Ex-castaway Nikki mobanat na sa showbiz

"Narito na po ako, kaya ready na ako," mao kini ang lenggwa sa kanhi castaway sa Survivor Philippines nga si Nikki Dacullo dihang gipangutana siya sa PEP kung andam na ba siya sa mga intriga nga maabot sa iyang kinabuhi ilabi na nga naa karon siya nakalinya sa industriya sa showbiz.

Gibutyag usab sa dalaga nga si Polo Ravales ang iyang crush nga artista. Si Nikki lakip sa gipapirma og managerial contract sa GMA Artist Center sa miaging semana .

Unang proyekto ni Nikki sa GMA-7 ang magsugod karong adlawa diin lakip na siya isip co-host   sa morning show nga Unang Hirit. Matud niya nga gikulbaan na siya og maayo ug aminado siya nga makatabang ang iyang pagka call center agent niadto isip bag-ong co-host sa nahisgutang programa.

Kim magpatambok

Tsika pa sa Pang Masa nga dunay gihatag nga weight protein shake si Gerald Anderson kang Kim Chiu para dali ang pagtambok niini. Si Gerald mismo nagtimpla sa maong protein shake . Hinoun, napun-an na og gamay ang timbang karon ni Kim. Mismo si Kim ang naalarma sa mga comments ngadto kaniya nga matud nidaot siya pag-ayo . Pwes bisan dili gusto og paliya si Kim, napugos gyud siya sa pagkaon niini kay mao kini ang tambag sa iyang nutritionist.

Joross ug Katrina hanap na nga magkauyab

Nabalita nga wala na'y kuyog-kuyog sila si Joross Gamboa ug Katrina Halili busa daghan ang nakaingon nga hanap na kaayo ang expectations sa ilang mga fans nga magkauyab ang duha. Hinuon giangkon ni Joross nga bisan usahay na lang sila magkuyog sa aktres nagpadayon man lang gihapon ang ilang komunikasyon pinaagi sa text.

"Sa ngayon kasi, parang hindi pa rin ako ready for another serious relationship. Siguro, dahil na rin sa trabaho," butyag pa niini.

Tungod sa ka busy sa ilang schedule ang hinungdan nga usahay na lang sila magkuyog.

Ryan walay angay nga mag-action star?

Butyag sa mga himantayon nga wala kaayo makadawat ang mga tawo kang Ryan Agoncillo isip action star. Migawas ang maong istorya gumikan kay hinay ang rating niini. Dugang padayag sa mga showbiz observers nga angayan lang si Ryan sa pag-host kay mao kini ang naandan sa mga tawo. Matud pa nga daghan ang naglaom nga mag-una sa rating ang Pieta kay gipangandaman man kini pag-ayo apan ang uban miingon nga basin ang time slot ang hinungdan sa pagkahinay sa rating niini ug angayan kini nga ibutang sa primetime.  

Iza nagsakripisyo alang sa iyang pamilya

Bisan sa ka busy karon ni Iza Calzado apan wala siya'y reklamo gumikan kay kinahanglan siya nga magsakripisyo tungod kay duna siya'y gibayaran karon nga balay ug ang iyang pagtrabaho tungod sa iyang gibayaran karon nga balay . Wala niya kini gi-cash nag-loan siya sa bangko hinungdan nga nagdaginot karon ang aktres sa iyang kaugalingon. Regalo niya ang maong balay alang sa iyang pamilya diin duna kini tulo ka kwarto.

Gikaukopahan karon sa aktres ang shooting niya sa Obra sa GMA-7 ug duna usab siya'y Desperada alang sa umaabot nga Metro Manila Film Festival karong Disyembre.

Plano usab sa aktres nga sa Disyembre motikang sa Boracay para makapahuway ug mangumusta sa iyang negosyo sa maong dapit.

Kanhi castaway Jace dili puwede i-link ni Iwa

Nag-una na sa pagsulti ang bag-ong natagak sa Survivor Philippines nga si Jace Flores nga dili siya puwede nga i-link ni Iwa Motto gym mate niya ang boyfriend sa aktres ug gani mao kni ang nagpaila-ila niya ngadto sa dalaga.

Nalakip ang 19-anyos nga si Jace sa bag-ong umaabot nga serye sa GMA-7 nga Luna Mystica butang nga iyang gikalipay og dako ug sugod karong semanaha sugdan na ang taping niini.

Bentaha usab ang pagkalakip ni Jace sa Luna Mystica sanglit makauban niya ang iyang crush sa showbiz nga si Heart Evangelista .