Iza Calzado nakahinumdom sa inahan

Samtang si Iza Calzado miingon nga nakahinumdum siya sa iyang mommy sa usa ka episode niya sa Obra karong buwana nga nag-ulohan og Beauty Queen. Kini tungod kay bata pa lang siya dream na sa iyang mommy nga mamahimo siyang beauty queen busa mabinantayon kaayo siya niadto nga dili masamaran ang iyang legs pero wala mahitabo ang pangandoy sa iyang inahan para niya kay mitambok man siya. Bisan sa TV series na lang natuman gyud ang pangandoy sa iyang inahan.

Samtang ang unang episode niya sa Obra gihimo ang taping niini sa usa ka haunted house. Hadlokan diay kaayo si Iza busa lengua pa niya atol sa taping, “I came here in peace.” Pwes, mapasalamaton siya nga sa paghuman og taping wala gyud siya’y nabatyagan nga mga makahadlok nga mga sitwasyon.

Bea perteng hadlokana

Hadlokan pod diay ang Betty La Fea star nga si Bea Alonzo. Tsika niya ngadto sa PangMasa,  “Wala, kasi matatakutin ako. Wala pa akong nakikita, tumatakbo na ako. Duwag ako pagdating sa ganyan, ayokong tinatakot ako,” matud pa niini ngadto sa PangMasa.

Grabe kaayo ang iyang imahinasyon sa maong mga butang busa sa panahon sa kagabhion, kung mahimo,dili siya moatubang sa samin kay basin unya makakita siya og dili ingon nato.       

Butyag pa niya nga dili siya katulog nga siya ra ug kinahanglan nga magsiga gyud ang suga.

Samtang malipayon nga gipahibawo ni Bea nga natuman na niya ang iyang saad ngadto sa iyang inahan busa iyang kaugalingon na pod ang iyang atimanon karon.

 “Naka-quota na ako kay Mama ko, may business na siya, may bahay, may kotse so quota na ako. ‘Yun kasi ang ipinangako ko sa sarili ko. Bago ako mag-invest sa sarili ko o gawin ang lahat ng gusto ko, ko-quota muna ako sa kanila.,” nagkanayon ang young actress. (Sanden J. Anadia)