Ipin at puso ni Karylle sabay sumakit
Nabalitaan ko na hindi natuloy ang interview ni Papa Ricky Lo kina Dingdong Dantes at Karylle dahil masakit ang ngipin nito.
Teka, ngipin nga kaya ni Karylle ang masakit o ang puso niya? Kung true na may toothache si Karylle, madali itong magagamot ng kanyang tatay na si Dr. Modesto Tatlonghari na kilala bilang mahusay na dentista.
Sa totoo lang, ako ang nae-excite sa joint interview nina Dingdong at Karylle. Gusto ko nang malaman ang kanilang mga isisiwalat sa buong Pilipinas. Kapag hindi pa talaga available si Karylle, ako na ang pupunta kay Dingdong at magkukumbinsi sa kanya na ako na lang ang isama niya kay Papa Ricky.
Kaming dalawa na lang ang magpapainterbyu, itsurang hindi ako ang kanyang girlfriend!
* * *
Kasalukuyan na naririto sa Pilipinas ang American Idol Season 7 contestant na si Ramiele Malubay.
The who si Ramiele? Siya ang Fil-American na pumasok sa semi-finals ng American Idol pero na-Luz Valdez sa contest.
Dumating kahapon si Ramiele mula sa US of A at ang balita ko, special guest siya sa concert ni Ogie Alcasid.
Alam ko na type ni Ramiele na subukan ang kanyang kapalaran sa Philippine showbiz dahil hindi naman siya babalik sa Pilipinas kung hindi niya gusto na magkaroon ng career sa ating bayang magiliw.
May kontrata pa si Ramiele sa American Idol kaya malaki ang posibilidad na umapir siya sa mga show ng GMA 7 na sister network ng QTV 11. Napapanood noon ang American Idol sa QTV 11.
* * *
Naniniwala na ako sa mga nababasa ko na malaki ang tsansa ni MMDA Secretary Bayani Fernando na mag-win sa Celebrity Duets.
Daay, dagsa kahapon sa Studio 3 ng GMA 7 ang mga supporter ni Papa BF dahil sa taping nito para sa Celebrity Duets.
Inokupa ng mga supporter ni Papa BF ang kabuuan ng Studio 3 at cheer sila nang cheer habang kumakanta ang kanilang manok.
Dapat mag-win si Papa BF sa Celebrity Duets. Maugong ang balita na kakandidato siya sa pagkapangulo ng Pilipinas sa 2010. Kung matatalo siya sa Celebrity Duets, paano nga naman siya magwi-win sa eleksyon ng presidente? Hindi magandang publicity di ba?
* * *
Walang tanggalan sa Celebrity Duets sa Sabado. Tatlo na lang ang mga natitirang contestant, sina Papa BF, Joey Marquez at JC Buendia.
Bilib ako kina JC at Joey dahil umabot sila sa finals. Na-sight ko pa sa TV ang pag-iyak ng fadir ni JC dahil hindi ito natanggal noong nakaraang Sabado.
Talagang sineseryoso ng mga supporter nila ang pagboto sa Celebrity Duets. Minalas lang si Carlene Aguilar noong Sabado dahil Luz Valdez siya. Kinulang na yata si Carlene sa pambili ng load para maiboto niya ang kanyang sarili! Dusa talaga ang mag-vote buying!
- Latest
