Young actress binabakuran ng tatay
Matagal ng may relasyon ang sikat na loveteam, hindi lang nila maamin dahil hindi alam ng ama ng actress na totohanan na ang relasyon nila ng ka-loveteam. Ang katuwiran ng ama, bata pa ang anak para makipag-relasyon, kaya ang drama ng magka-loveteam, MU o Mutual Understanding lang ang namamagitan sa kanila.
Sobrang higpit ang ama ng actress sa anak at kung puwede lang samahan ang anak sa mga lakad nito lalo na ‘pag alam na kasama ang kapareha nitong actor. Sa sobrang higpit nga nito, pati sa mga show ng anak sa probinsya ay sumasama at para hindi maligwak, sariling pera ang ibinibili ng tiket sa eroplano.
No choice nga naman ang actress at ang mga taong nagpapalakad sa kanyang career kundi isama ang ama dahil sariling pera ang ginagastos nito pati sa pagkain.
* * *
Hindi na ni-revised ang script ng Desperadas 2 sa pagpasok ni Ogie Alcasid sa cast ng movie kapalit ni Eugene Domingo. Role pa rin ni Lugaluda, ang long lost half-sister nina Ruffa Gutierrez, Rufa Mae Quinto, Marian Rivera at Iza Calzado ang kanyang gagampanan.
Tunay na babae at hindi bading ang role ni Ogie, kaya kukuha ang Regal Entertainment ng sariling stylist at make-up artist para mag-ayos sa kanya at magmukha siyang real woman. Mala-John Travolta sa pelikulang Hairspray ang dating ng singer-composer sa movie.
Kundi November 8, Nov. 11, ang first day shooting ni Ogie sa Desperadas 2 at maganda sanang mag-press visit kung papayag si Mother Lily para makita ang magiging hitsura ni Ogie.
Samantala, mapapanood sina Ogie at Iza Calzado sa Debbie and DJ Carlo episode ng Dear Heart this Sunday.
Kasama sa cast sina Frank Garcia, Ella Guevara, sa direksyon ni Don Michael Perez at hosts sina Jolina Magdangal at Marvin Agustin. Napapanood ang Dear Heart after SOP.
* * *
Magkasama sa Pieta ang mga bagets na sina Paul Salas at Jairus Aquino, pero hindi sila magkikita sa istorya. Young Rigor (Ryan Agoncillo) ang role ng una at sidekick naman ng adult Rigor ang gagampanan ng huli bilang si Toto.
Marami nang nilabasang show sa ABS-CBN si Paul at iniipon nito ang kinikita’t gustong makabili ng Ferrari ‘pag laki niya. Dream nitong tumangkad siya gaya sa uncle at ninong niyang si Dingdong Dantes at gagawin niya ang lahat para sumikat na action star. Tsika ng bagets, nahirapan siya sa fight scene niya sa Pieta, pero enjoy siya.
Si Jairus ang kasama ni Ryan sa mga eksena at mabait at nakikipagkulitan ito sa kanila. Iniipon din niya ang pera para sa future niya at ng kanyang pamilya. Favorite niya si Aga Muhlach at tuwang-tuwa ‘pag sinasabing kamukha niya ang actor.
* * *
Dahil sa maraming request, muling mapapanood ang Newsmakers: The GMA News & Public Affairs Special this Sunday, 9:10pm., sa Q-11. Featured sa special ang rare interview with the country’s prominent newsmakers.
- Latest
