Sarah ginerbiyos nila ni Rayver ug Billy

Mapasalamaton kaayo si Sarah Geronimo sa Viva Films ug Star Cinema kay gisugtan siya nga mobakasyon bisan one week sa States uban sa iyang pamilya para mag-open sa pipila ka mga branches sa Jollibee diin usa siya sa mga endorser niini.  Inigbalik ni Sarah sa nasud balik-trabaho dayon ang popstar ilabi na nga nagkaduol na ang iyang “The Next One” concert sa Araneta Coliseum karong November 8.  Giuna karon ni Sarah ang pag-record sa theme song sa “Baler” nga entry sa Viva Films sa Metro Manila Film Festival karong December, nga bitoonan nila ni Jericho Rosales ug Anne Curtis. 

Nasayran usab nga kusog karon halin sa ticket para sa concert ni Sarah busa malipayon kaayo ang Viva Concert & Events sa maong kalambuan. Guest sa maong concert sila si John Lloyd Cruz, Jed Madela, Maja Salvador ug Shaina Magdayao.  Migawas nga tsismis nga ginerbiyos karon ang popstar kay ikauban usab niya sa concert ang duha ka mga lalake nga na-link niya karon nga sila si Billy Crawford ug Rayver Cruz. Samtang sa dili madugay kay sugdan na usab ni Sarah ang shooting alang sa part 2 sa “A Very Special Love” nila ni John Lloyd Cruz.

Loydie gipahimoag lapida

Tsika pa sa beteranang kolumnista sa PangMasa nga si Cristy Fermin hayan ubay-ubay gyud diay ang susama og ngalan ni John Lloyd Cruz . Butyag pa ni Manay Cristy nga duna siya’y higala nga nakakita nga dunay gipahimo nga lapida nga pareho gyud og pangalan sa aktor. Pero ang nakahugyaw, pareho gyud og birthday sa aktor ang nakabutang sa lapida , June 24, 1983. Nakasulat pa gyud sa maong lapida nga   “a former teen star” ug hinoun wala’y nakabutang sa petsa sa pagkamatay. Matud pa sa tsika nga usa ka babaye ang nagpahimo sa maong lapida ug mihatag na kini og downpayment apan wala na kini balika. Busa naka-display na lang gyud kini sa himoanan sa maong lapida.

Pwes, daghan ang nakaingon nga basin dunay bug-at nga kalagot ni John Lloyd ang nagpahimo sa lapida.

Makisig, Paul, ug Jairus gipapirma sa Star Magic

Bag-ohay pa lang nakapirma og one-year contract ang mga bagets nga sila si Makisig Morales, Paul Salas ug Jairus Aquino sa Star Magic. Si Paul maoy midala isip young Rigor nga gidala ni Ryan Agoncillo sa seryeng Pieta sa ABS-CBN. Butyag pa niini nga nagtigom siya og kuwarta aron makapalit sa iyang gusto nga Ferrarri car. Samtang si Jairus maoy midala isip sidekick ni Ryan sa nahisgutang serye. Pangandoy ni Jairus nga mopalit og balay ug sakyanan alang sa iyang pamilya busa ang iyang talent fee gipatigom niya sa iyang mommy. Samtang si Makisig, ang gikabisihan niini mao ang taping niya sa “Utoy” with Dolphy .   Nagpabiling crush sa batang actor ang child actress nga si Kathryn Bernardo. 

Bomba pabuthon sa Startalk

Dunay dako nga bomba nga pabuthon karong hapon ang Startalk isip tipik sa ilang 13th anniversary. Tsika pa sa beteranang kolumnista sa PangMasa Manay Lolit Solis, dunay star witness nga mutekang sa show aron maoy mobatbat sa mga detalye kalabot sa usa ka dako nga eskandalo.”Palaban ang star witness dahil sasabihin niya ang lahat ng kanyang mga nalalaman. Pipilitin ng Startalk na kunin ang panig ng kalaban ng star witness pero depende ‘yon kung makukumbinsi siya na sumagot!”

Lovi ug Victor sa Cebu karon

Mutekang sa entablado sa Gaisano Main (6pm) ug Gaisano Countrymall (8pm) sila si Lovi Poe ug Victor Basa alang sa usa ka mini-show isip tipik sa month long celebration sa anibersaryo sa Countrymall.