John miapil sa Survivor para makisayod

Giangkon sa kanhi castaway sa   Survivor Philippines nga si John Lopez nga miapil siya sa maong show kay gusto gyud niya sutaon kung tinoud ba o dili ang mga pagduda niadto sa mga himantayon nga scripted ang mga reality shows .

“May duda talaga ako sa mga reality shows kaya I want to find that out for myself. Kaya sumubok akong mag-audition for Survivor Philippines at sinuwerte naman na mapili ako as one of the castaways,” padayag pa ni John ngadto sa PangMasa.

Sa Survivor Philippines kay nasuta gyud ni John nga wala’y script ang reality show.

“Totoo palang walang script at talagang mamumuhay kami sa island with nothing. Lahat ng kakainin namin, inumin at titirhan namin ay paghihirapan naming gawin at kunin,” butyag pa niini.

Matud pa ni John nga walay angay dudahan sa mga reality shows kay siya mismo nakasuway na og patas gyud ang proseso niini sama sa Survivor Philippines. Si John maoy na-vote out sa iyang tribe niadtong miaging Biyernes tungod sa kahimtang sa panglawas niini.

Samtang ang labandera nga si Zita maoy iyang gustong modaog.

Alex giregaluhan ni Toni og sakyanan

Subling giklaro ni Toni Gonzaga nga walay rivalry tali niya ug sa iyang manghod nga si Alex kinsa misulod na pod sa TV hosting pinaagi sa entertainment show nga Juicy sa TV5.

Gani nasayran sa PangMasa nga giregaluhan pa ni Toni og sakyanan ang iyang manghod.

Nalipay pod si Alex sanglit permi siyang tudloan ni Toni unsaon pag-atake ang iyang responsibilidad isip host.

Samtang daghan ang nakabantay nga dunay potensyal gyud si Alex ug nagkadaghan na ang viewers sa Juicy ilabi na nga gibalhin na kini ngadto sa matag 11: 30 sa buntag, Lunes hangtod sa Biyernes.

Toni pangitaag uyab ang bf; Vhong paangkan si Desiree

Masipang pakpak ang nadawat nila ni Toni Gonzaga ug Vhong Navarro sa presscon sa bag-o nila nga movie nga My Only U sa Star Cinema tungod sa makahugyaw nila nga mga tubag sa mga pangutana sa mga sakop sa press. Gipangutana si Toni kung unsa iyang buhaton kung tulo na lang ka adlaw ang mahibilin nga makauban niya ang iyang boyfriend nga si Paul Soriano. Tsika sa PangMasa nga mitubag si Toni nga ang duha ka adlaw kay iyang igahin alang kang Paul samtang ang nahibilin nga usa ka adlaw iyang gamiton aron mangita siya og babaye nga mopuli niya nga mopangga kang Paul sama sa gipakita niya nga gugma niini.

Samtang si Vhong miingon iya gyud nga igahin ang tulo ka adlaw ngadto sa iyang uyab nga si Desiree del Valle aron maghimo silag liwat. Nasayran nga ang tema sa pelikulang My Only U mao ang mahigugma ba ka sa usa ka tawo nga tinagalan na lang og pila ka adlaw ang kinabuhi.

Ubos kini sa direksiyon ni Cathy Garcia-Molina ug isalida karong October 29.

Gabby utangan og P800, 000

 Miatubang niadtong Miyerkules sa hapon   sa entertainment press sila si Mrs. Rose Flaminiano ug ang abogado niini nga si Atty. Bonifacio Alentajan para sa pagpahibalo sa kasong estafa nga ilang gipasaka ngadto kang Gabby Concepcion tungod sa wala pagtungha sa aktor sa mga shows sa nagkalain-laing siyudad sa Pilipinas bisan pa man og nakadawat na kini og downpayment nga mikabat og P 800,000. 

Pero sa balitang molupad si Gabby para magbakasyon sa States uban sa iyang pamilya, gipadayag ni Atty. Alentajan nga wala pa silay na-file nga pang- Hold Departure Order (HDO) alang sa aktor.    Nasayran nga kung madayon ang pagbakasyon ni Gabby, kinahanglan nga mobalik dayon kini kay naa pa kini kontrata sa ABS-CBN diin aduna kini sugdan nga bag-ong project sa January 2009.

Actions nila ni Dingdong ug Marian buking

Bisan unsaon og deny nila ni Dingdong Dantes ug Marian Rivera nga wala sila’y relasyon apan klaro kaayo sa ilang mga mata ang kamatuoran sa higayon nga sila magkauban. Busa daghan ang kumbinsido nga duna gyu’y relasyon ang duha.

“Iba ang glow ngayon sa mata ni Dingdong at parang nasa cloud nine naman si Marian kapag magkasama sila. Ayaw nang mag-comment ni Dingdong gayung pwede namang sabihin nito na di totoo ang tsismis sa kanila ni Marian,” tsika pa sa usa ka himantayon.

Matud pa nga magul-anon kaayo karon ang nawong ni Karylle. Busa matud pa sa kadaghanan nga posibleng na-develop na sa usa’g-usa sila si Marian ug Dingdong gumikan kay pirme kini nga magkauban sa mga proyekto.