Pia ug Vic gikasal sa Vegas?

Migawas karon ang taho nga nagpakasal na sa Las Vegas niadtong July sila si Vic Sotto ug Pia Guanio. Suma pa sa tsika nga nasagap sa PangMasa, Mrs. Sotto na matod pa ang tawag karon ni Pia. Gipaabot nga muluwat og pamahayag si Pia kalabot niini karong Domingo sa Showbiz Central diin magsaulog usab ang nahisgutang TV host sa iyang birthday.

Marian apektado sa prob ni Dingdong

Apektado si Marian Rivera sa balita nga buwag na si Dingdong Dantes ug Karylle.

“Alam naman ni Dong na kahit ano pa ang pagdaanan niya, I am always here for him. Aware naman ako sa mga bali-balita at siyempre, hindi puwedeng hindi ako maapektuhan din. Kasi unang-una kasama ko sa trabaho si Dong. At kung apektado ang work niya, gano’n din ako.Kami naman ni Dong, may bonding kami na pang sa amin lamang. Nagkakaintindihan kami at nagkakasundo kami sa ilang bagay. Nandito kami para sa isa’t isa bilang magkaibigan,” nagkanayon siya ngadto sa PangMasa.

Phoemela ug LJ apil sa Fear Factor

Migawas karon ang taho nga apil sila si Phoemela Baranda ug LJ Moreno isip mga contestants sa Pinoy Fear Factor nga isalida na sa ABS-CBN sunod buwan, diin si Ryan Agoncillo maoy host. Si Phoem matod pa ang gipasabot nga “Glam Goddess” samtang si LJ ang “Daredevil Chick.” Dili sigurado ang tinubdan kung si Phoem ba maoy unang natangtang or mipauli lang gyud siya og sayo.Basta sigurado ang tinubdan nga ang mga nahisgutan ra ang celebrities sa 12 ka contestants.

Robi bag-ong MYX VJ

Pasok isip usa sa upat ka mga bag-ong MYX VJ ang kanhi Pinoy Big Brother Teen Plus housemate nga si Robi Dominggo. Labihan ang kalipay ni Robi tungod kay hosting gyud niya pa maoy iyang love. Ang laing tulo ka mga bag-ong VJ mao sila si Monica Yncierto (kanhi DJ), Chino Liu Pio (younger brother of Hale vocalist, Champ), ug Bianca Roque.

Eugene banned sa Regal

Banned na sa Regal Films si Eugene Dominggo. Kini human wala magkasabot ang iyang manager nga si Ricky Gallardo ug si Mother Lily kalabot sa talent fee sa nahisgutang award-winning comedienne. Pwes, gitangtang na si Eugene isip bida unta sa “Nieves” episode sa Shake Rattle & Roll 10. Si Marian Rivera maoy gihulip niya. Gitangtang pod siya sa Desperadas 2 diin bida sila si Ruffa Gutierrez, Iza Calzado, Rufa Mae Quinto ug Marian. Wala na pod siyay apil sa umaabot nga pelikula sa Regal, nga giulohan og ‘Ang Nanay Kong Aswang.” Ug kon co-producer gihapon ang Regal sa follow-up movie nila ni Richard Gutierrez ug KC Concepcion sa GMA Films, dili na pod iapil ang komedyana…(Mga balita gikan sa www.pep.ph)