Sam-Angel sa Lovers in Paris?

Dili pa sigurado si Sam Milby kung siya ba gyud maoy padad-on sa Pinoy version sa “Lovers in Paris ” sa ABS-CBN kung diin matud pa sa tsika mapares niini si Angel Locsin. Matud pa ni Sam ngadto sa PangMasa nga igo pa lamang niyang nabasa sa mantalaan ang maong balita ug wala pay pormal nga pamahayag ang management kalabot niini. Sa pagka-karon, busy ang aktor sa pagpangandam sa iyang umaabot nga first solo major concert nga “I Am Sam: Rockoustic Heartthrob” karong October 25 sa Aliw Theater.

Antoinette mibisIta sa set sa Dyesebel

Gikatahong milikay sa mga press si Antoinette Taus sa dihang mibisita kini sa taping sa Dyesebel aron sa pagduaw sa iyang higala nga si Bianca King. Matud pa nga pag-abot sa mga press sa set sa Dyesebel,nawala na lang kini og kalit. Busa matud pa sa mga himantayon nga basin naglikay lang kini sa mga pangutana kay migawas man ang tsismis nga maong milugwa siya sa set sa Dyesebel kay aron bisitahon si Dingdong Dantes nga iyang ex-boyfriend. Sa pagbalik ni Antoinette sa US hayan isalida na   ang iyang TV show sa FOX channel nga dili pa niya puwede nga mabutyag ang titulo.

Matud pa ni Pauleen Luna nga wala siya kaila sa pulitiko nga gusto nga makig-date kaniya. Matud pa nga duna la’y gisugo ang maong pulitiko nga maoy miistorya kaniya.”Sa totoo lang, tatlong pulitiko ang interesado kay Pauleen pero hindi ko na sasabihin ang kanilang mga name. Hindi ko pinangarap na magkaroon ng kaugnayan sa buhay nila! ,” butyag pa sa manager sa aktres nga si Manay Lolit Solis.