Wapay winner sa Survivor-GMA-7

Giklaro sa GMA-7 nga dili tinuod ang nanggawas nga mga taho sa milabay nga semana nga ang hardcourt heartthrob nga si JC ang midaog isip Sole Survivor sa Survivor Philippines. “Walang nakakaalam and there is no way of knowing until December pa kasi yan,” pasabot sa tinubdan nga taga GMA-7 nga nahinabi sa Banat Hugyaw kagahapon.

Matt ug Melissa nagkalami

Gikompisal ni Matt Evans sa Banat Hugyaw niadtong Sabado sa iyang pagbisita sa Gaisano Fiesta Mall nga nagkasuod na sila og maayo karon sa iyang leading lady sa “Iisa Pa Lamang” nga si Melissa Ricks. “Syempre nagkakaintidihan na kami at syempre palagay ko mas magiging close pa kami.” Gidapit usab niya ang ilang mga fans nga nuntan lang gyud ang “Iisa Pa Lamang” tungod niya pa duna pay daghang mahitabo sa relasyon nila ni Toby ug Sophia.

Ryan dakponon ni Jason

Ang Pieta ni Ryan Agoncillo maoy hulip sa naghinapos na nga “Ligaw Na Bulaklak” ni Roxanne Guinoo. Kini maoy gibutyag ni Jason Abalos ngadto sa Banat Hugyaw niadtong Domingo, atol sa iyang pagbisita sa Sugbo isip celebrity guest sa Gaisano Balamban ug Countrymall nga nagsaulog sa iyang ika-15 nga kasumaran isip mall. Suma pa ni Jason, duna siyay importante nga papel sa Pieta, diin childhood friends sila sa character ni Ryan. “ Barkada kami ni Ryan at mga barumbado kami. Paglaki namin may twist, magiging polis ako, at huhulihin ko siya.”

Empress dili ganahan mag-beauty-queen

Mikisikisi si Empress Shuck dihang gipangutana sa Banat Hugyaw kanus-a siya magpa-sexy sa men’s magazine sama sa ubang mga talents ni Becky Aguila nga sila si Angel Locsin, Valerie Concepcion ug Jennylyn Mercado. Si Empress maoy kauban ni Jason Abalos isip celebrity guests sa 15th Anniversary month-long celebration sa Gaisano Countrymall. “No, I’m only 15 years old,” nagkanayon si Empress, kinsa misamot na kagwapa ug kinsa dunay height nga 5’5. Wala usab sa iyang hunahuna nga mamahimong beauty-queen ugma damlag tungod kay gitambagan siya sa iyang ig-agaw nga si Lorainne Shuck—franchiser sa Miss Earth-Philippines——nga mag-concentrate na lang sa iyang pag-artista. .