Kulam malampuson gyud

As of October 5 (Sunday), P31 million na ang total gross sa 48th anniversary movie sa Regal Films nga Mag-Ingat Ka sa Kulam. Busa lain na pud ning blockbuster hit sa Regal, hinungdan nga dili gyud masukod ang kalipay nila ni Judy Ann ug Dennis Trillo nga maoy mga bida sa maong pelikula. Nakatayming gyud og swerteng panahon ang pagpasalida sa maong pelikula kay kung kahinumduman nalangan ang taping niini tungod sa ka busy sa schedule ni Juday niadto. 

Pwes, ugma puhon na ang gikatakda nga victory party sa Regal Films para sa kalampusan sa Kulam.

EB Babes nangilog linya, sabligan og kape

Nakaangkon og first degree burn ang EB Babes member nga si Mae dela Cerna human sabligi og nga init nga kape niadtong Domingo pasado alas otso sa gabii sa usa ka doughnut shop sa Greenhills, San Juan City. Si Mae kinsa kuyog sa laing duha ka mga EB Babes nga sila si Saida Diola ug Ann Boleche, giakusahan nga misingit sa linya, butang nga wala mauyoni sa pamilyang Dela Paz nga kauban nila sa linya busa miresulta kini sa panaglalis. “Hindi kami sumingit sa pila,” depensa pa ni Mae.

Matud pa nga ni-depensa lang sa iyang kaugalingon ang bana ni Tess de la Paz kay giaway na sila sa iyang asawa sa tulo ka mga dancers nga matud pa wala makasabot sa ilang iningles kabahin sa ulohan sa linya.

Pops, Kuh, Regine ug Zsa-Zsa mag-riot

Sa unang higayon, mag-uban sa usa konsyerto sila si Kuh Ledesma, Zsa Zsa Padilla, Pops Fernandez ug Regine Velasquez. Ang konsiyerto mahitabo sa December 6 sa Araneta Coliseum ug nag-ulohan kini og “Divas 4 Divas”. Ang maong konsiyerto gipaluyohan sa Museum isip parte sa ilang 20th anniversary celebration.

Tsika sa PangMasa nga hugyaw kaayo ang upat atol sa ilang presscon kagahapon kay nag-iyahay man sila og komedya sa usag-usa.

Nasayran nga upat ka tuig na diay ang maong plano nga mag-uban sila sa usa ka concert. Matud pa nga si Kuh ang sigeg tawag sa iyang mga kaubanan ug mo-check permi sa ilang mga schedules. Gumikan ni Kuh, naplantsa na gyud ang ilang pangandoy nga konsiyerto.

Matud pa nga wala na’y special guests ang upat tungod kay kuwang   ra kaayo ang duha ka oras nga concert para nila. Si Louie Ignacio maoy musical director sa maong concert.

Anak ni Bembol take 3 tungod niya

Magkauban sa unang higayon, ang award-winning actor nga si Bembol Roco ug usa niya ka anak nga si Felix Roco para sa sa usa ka indie movie nga nag-ulohan og UPCAT.

Giangkon ni Felix nga gikiulbaan gyud siya sa taping sa usa ka eksena nga makauban niya ang iyang amahan, gani niabot gyud kini og take three.

“Hindi ko ma-explain ang nararamdaman ko kay Daddy. Kasi nga it’s the first time na makakasama ko siya sa isang indie film. Hindi pa ako sanay kaya minsan nagkakamali ako,” nagkanayon si Felix ngadto sa PangMasa.

Samtang makauban ni Felix ang iyang kaluha nga si Dominic sa bag-ong season sa Daisy Siete ug duna puy partisipasyon ang ilang amahan niini.

Rhian paantuson ni Gladys

Human sa duha ka buwan niya nga pagpanganak, andam na pud mo-banat si Gladys Reyes sa iyang pagka-kontrabida sa iyang mga TV Shows. Si Gladys maoy main kontrabida ni Rhian Ramos sa bag-ong serye sa GMA-7.

“Yun naman ang forte ko, ‘di ba? Kung sino ang bago, ako ang unang umaapi sa kanila,” butyag pa Gladys uban sa iyang matam-is nga katawa.

Nakauban na ni Gladys si Rhian niadto sa My Only Love diin kontrabida pod siya ngadto sa dalaga, pero matud ni Gladys mas salbahis siya karon sa LaLola.