Melanie nadismaya pagkakita sa iyang nawong

Nadismaya si Melanie Marquez sa usa ka beauty seminar kay matud pa migamit sa iyang hulagway diin iyang gikauban si Pauleen Luna. “Well, I’m not offended being with Pauleen Luna. I’m offended seeing my picture being used without my consent. Kasi du’n sa seminar, when they called me up, nag-beg off ako. Because of my schedule, I couldn’t make it,” ni Melanie pa ngadto sa PangMasa.

Giklaro ni Melanie nga wala siya mi-commit ug gusto niya kining ipaklaro kay basin nga nagdahom ang mga nanambong sa maong seminar nga molugwa siya sa maong tigom. “So, I was really surprised to see my picture na naka-pose na nagagamit siya kahit sa poster, sa billboard, I’m not aware of that,” matud pa sa beauty queen.

Hinoun wala giklaro ni Melanie kung duna ba’y kalabutan niini si Dr. Joel Mendez—ang organizer sa maong event—apan iyang gipahibalo nga nakig-alayon na siya niini.

Gibutyag sa beauty queen nga endorser sila pareho ni Pauleen sa maong doctor apan kun ang mga laing beauty product ang hisgutan wala na sila’y koneksyon. Giklaro ni Melanie nga nakauyon na siya sa kompanya ni Jim Acosta diin iyang giindorso ang New Placenta

Kiko mapasalamaton sa importansya

Nagsaulog kagahapong adlawa sa iyang adlaw’ng natawhan ni Francis Magalona sa programang Eat Bulaga diin gipahinungdan siya og birthday celebration bisan wala siya sa studio. Nahimangod si Francis sa gihimo sa iyang mga dabarkads sa maong show tungod sa importansya nga gibubo ngadto niya.

Kahinumduman nga gi-diagnose si Francis sa miaging buwan nga dunay leukemia. Pagkakaron maayo na ang pamati ni Francis samtang nagpadayon ang mga medical sessions alang kaniya.

Gipahigayon pod kagabii ang fundraising show alang kang Francis sa Zirkoh Timog nga nag-ulohan og “Happy B-day Kiko”. Ang maong show, gilangkuban lang gihapon sa iyang mga kaubanan sa Eat Bulaga ug ang sikat nga grupong Gloc 9 ingon man usab ang mga sorpresa nga mga celebrity guests.

Aubrey samot kagwapa

Tsika pa ni Manay Lolit Solis nga type niya ang pangan sa bag-ong natawo nga anak nila ni Troy Montero ug Aubrey Miles. Ginganlan ang bata og Hunter Cody. Cody ang tinuod nga pangalan ni Troy ug diri gibasehan ang pagkuha sa pangan sa bata.

“ Parang hindi nanganak si Aubrey dahil mas lalong gumanda ang kanyang mukha. Kitang-kita na happy si Aubrey sa buhay na pinili niya,” lenggua pa sa beteranang kolumnista sa PangMasa nga si Manay Lolit.