Amor Powers ug Claudia Buenavista magtigi na pod

Dili lang diay kay sila ra si Sunshine Dizon ug Iza Calzado ang subling magkauban sa Pinoy adaptation sa GMA-7 sa Koreanovela nga “All About Eve” nga mulugwa sunod tuig. Kini tungod kay mabanhaw pod diay ang panagpares nila ni Jean Garcia ug Eula Valdez nga unang misikat pinaagi sa ABS-CN soap opera nga Pangako Sa ‘Yo nila ni Jericho Rosales ug Kristine Hermosa diin gidala sa mga beteranang aktres ang papel nga Claudia Buenavista ug Amor Powers. Dihang natapos ang maong soap, mibalhin si Jean sa GMA-7 diin nalakip siya sa Majika nila ni Angel Locsin ug Dennis Trillo. Ug dihang gihimo na niya ang Impostora, gitugutan pod niya ang iyang anak nga si Jennica Garcia nga mag-artista. Pipila ka tuig ang milabay, sunod nga mibalhin si Eula sa GMA-7 diin naapil siya sa Kamandag ni Richard Gutierrez. Samtang nasayran nga sa dili pa ang All About Eve, unang makita si Jean sa Gagambino ni Dennis ug si Eula sa La Lola nila ni JC de Vera ug Rhian Ramos. - Ryan Mark (Gikan sa www.pep.ph)