Karen at Luchi pinaghihinalaan?
Sa true lang, may sawa factor na sa issue kina Gabby Concepcion at Mrs. Rose Flaminiano. Halos two weeks na rin silang nagkakagulo na unang lumabas dito sa PSN.
Pera ang puno’t dulo ng lahat kaya pasasaan ba’t magkakasundo rin sila sa kalaunan dahil pareho naman silang may pakinabang sa kanilang pinag-aawayan.
Pareho silang kumikita kaya hindi malayong mag-usap din sila dahil sila rin naman ang nawawalan.
* * *
True kaya ang issue na pinaghihinalaan pa rin hanggang ngayon ng ibang bosses ng News and Current Affairs ng ABS-CBN na may connection pa rin sina Karen Davila at Luchi Cruz Valdez sa GMA 7 kaya hindi na raw pina-renew ng kontrata si Karen habang si Luchi Cruz ay suspendido?
Ayon sa source, hindi na ni-renew ang contract ni Karen para sa kanyang mga programa kasama na ang TV Patrol.
Matagal nang bulung-bulungan ang tungkol sa nangyari kina Luchi Cruz at sa big boss ng News and Current Affairs ng Dos na si Ms. Maria Ressa.
Bukas ang pahina sa official statement nila.
* * *
Tuloy na ang pelikulang gagawin ni Robin Padilla sa Star Cinema. Inaayos na lang nila ang script at kung sino ang makakasama niya. Kaya nung minsan ay nakita siya sa bakuran ng ABS-CBN dahil inaayos niya ang nasabing pelikula.
Pero mauuna muna siyang mapanood sa pelikula ng GMA Films na Sundo na pina-revise niya ang unang script.
- Latest
