Robin bakasyon grande

Ganihang 12:30 a.m., Septembre 20, milupad si Robin Padilla, kauban sa iyang asawa nga si Liezl Sicangco, ug iyang mga anak nga sila si Queenie, Kylie, Zhen-Zhen ug unico hijo nga si Allih, paingon sa Dubai via Qatar Airlines para sa ilang European vacation.  Tsika sa PangMasa nakasiyaget sa kalipay ang mga anak niya, dihang gipahibalo ang kabahin sa bakasyon nila. Sorpresa pod kanila ang pag-abot sa Mommy nila gikan sa Australia, kauban ang duha pa nila ka igsoon sa mao gihapong gabii sa solo presscon kang Robin  sa GMA Films para sa suspense thriller/horror movie nga Sundo kauban si Sunshine Dizon, Rhian Ramos, Katrina Halili, Glydel Mercado, Hero Angeles ug Mark Bautista. Ang European vacation ang birthday gift ni Robin kang Liezl sa Septembre 26 nga dugay nang nangandoy nga makaadto sa Paris, France.  

Gipahimuslan ni Robin ang offer nga two shows kaniya, ang Smart Pinoy Fiesta Saya sa Italya kauban silang Edu Manzano, Ai Ai delas Alas, Jed Madela, Kim Chiu ug Gerald Anderson sa Septembre 28 sa Sharp sa Milan, Italy ug sa Oktubre 5 sa Stadio Flaminio didto sa Rome. Sa Oktubre 10 ang pagbalik nila sa Manila gikan sa Dubai ug deritso na dayon siya sa promo sa Sundo nga showing na sa Oktubre 22. 

Gawas sa daghang mga kuyaw kaayo nga kasinatian sa pag-shooting sa movie sa usa ka haunted house, isip Romano Yñiguez, gi-challenge na pod ni Robin ang kamatayon dihang sa usa ka eksena, miubog siya sa usa ka dakong aquarium sa Sunshine Coast nga adunay iho.

Ronnie nalipay nga wala mausab si Sarah

Mapasalamaton si Ronnie Liang nga wala na-usab ang pagtagad kaniya ni Pop Star Princess Sarah Geronimo pagkahuman nga mitumaw ang “mansion” issue ug nangayo ang ulitawo og pasaylo kang Sarah ug sa Mommy Divine niini sa ASAP ‘08 niadtong Domingo ug ang gisulti lang niya sa interview nga nahuman na ang gipahimo niyang 3-bedroom house para sa iyang parents sa Angeles ug nakabalhin na sila didto niadtong Miyerkules, Septembre 17.

Nanghinaut siya nga mahuman na didto ang issue kabahin nila ni Sarah.  Nagsugod na siyang mag-taping sa I Love Betty La Fea diin iyang gidala ang papel ni Enrique Robles, buotan pero istriktong Human Resources Manager sa EcoModa, kanhi seminarian maong naglikay kaayo siya sa mga babaye. (Marigold P. Lebumfacil)

Ervic: “Marian wife material”

“Conservative, family-oriented, down-to-earth and wife material”, kini ang paghulagway mismo ni Ervic Vijandre, ang gikatahong real-life boyfriend ni Marian Rivera.

Nahinabi sa Banat Hugyaw ang guard sa Taguig Batang Global squad atol sa ilang duwa sa Liga Pilipinas nga gipahigayon sa New Cebu Coliseum niadtong Martes sa gabii.

Dili gyud malimod nga sa personal may-ong gyud siya og nawng ni Dingdong Dantes nga maoy ka-love team karon ni Marian. “Hindi siya (Marian) nagbago, walang nagbago sa kaniya, she still possessed the same attitude that she has. She is still the same Marian that I know,” matud pa sa player-turned-model nga ulitawo.

“Hindi namin pwedeng sabihin na kami basta alam ko eight years ko na siyang kilala. We still see and communicate with each other” katin-awan ni Ervic, dihang gipangutana siya kung sila pa ba gyud ni Marian.

Both Busy

“Pag may time siya, nagkikita kami, ‘pag may time ako nagkikita din kami. But ngayon, we don’t often see each other kasi sobrang busy niya but we still have the communication. Hindi talaga nawawala,” puno pa sa basketball player kinsa dunay gitas-on nga 6’2 ug finalist sa Be Bench talent/model search sa Bench ug ABS-CBN. Gipaluwatan pod sa 22-anyos nga cager-model nga second year high school siya samtang third year high school si Marian dihang nagkauyab sila kay lagi schoolmates man sila sa St. Francis of Assisi. Suod gyud si Ervic sa pamilya ni Marian sukad pa sauna.

“Lumaki kasi yan si Marian sa lola niya. Kaya kung anong ginagawa niya pinapaalam talaga niya sa lola niya. Way back then, I often go to her house and since, I already established closeness with her family” matud pa ni Ervic.

Kahinumduman nga sa wala pa niduwa si Ervic sa Taguig Batang Global, kanhi miyembro siya sa RP Youth Baseball Team ug sa De La Salle University Basketball Team-B ug sa DLSU Green batters.

Mi-graduate na si Ervic niadtong October 2007 sa De La Salle University sa kursong Bachelor of Arts in Philippine Studies, Major in Filipino Mass Media. Wala ba niya pugngi si Marian nga mosulod sa showbiz? “Hindi naman, kasi napaka-talented niya talaga kaya hindi ko siya pinigilan” sey ni Ervic.

Wala ba siya magselos sa team up ni Marian ug Dingdong?

“Hindi naman, alam ko na trabaho lang ‘yon and I already understand the nature of their job. Okay lang ako sa team-up nila,” pong pa ni Ervic.

Ug ang katapusang lenggua ni Ervic dihang subling gipangutana sa real score nila ni Marian: “I don’t want to say anything about it. Tanungin ‘nyo na lang si Marian.” (Daghang salamat ni The Freeman sports editor Manny Villaruel nga responsabli niining maong exclusive)