Lolit walang balak saluhin ang dating alaga

Lest I be accused of pretending to be legally well-versed, ilang tanong for self-enlightment ang nais kong ibato ngayong abogado na sa abogado ang pumapagitna sa lumalalang hidwaan sa pagitan ni Mrs. Rose Flaminiano at ang alaga niyang si Gabby Concepcion.

Gabby’s being represented by Atty. Raymund Fortun, while Mommy Rose (as she’s fondly called in showbiz) has her husband Atty. Ed Flaminiano as her legal counsel. As already reported, sinagot ni Atty. Flaminiano ang liham ng abogado ni Gabby on behalf of his client.

Now comes my volley of questions: Kung si Mommy Rose ang respondent in the case, can she engage the legal services of her husband? Hindi ba ito prejudicial sa kaso? It being so, maaari bang i-request ni Gabby through his lawyer na ipa-inhibit ng korte si Atty. Flaminiano from representing his wife?

What happens now do’n sa mga kinakaharap na ibang kaso ng aktor kung saan si Atty. Ed ang kumakatawan? Was Gabby’s decision to dis-engage his former lawyer’s services just and fair, dahil ito na ngayon ang kanyang kalaban?

Ipupursige pa ba ni Mommy Rose ang isinampa niyang libel case laban kay Jobert Sucaldito, who was also slapped with the same case by Gabby filed in San Juan?

And as for Gabby, having to deal with cases left and right, baka ang mas atupagin na lang niya ay ang pag-attend ng mga hearing sa halip na ibangon ang kanyang showbiz career, hindi kaya?

But if there is one question that I know the answer, ’yon ay ang tanong kung kukunin bang muli ni Gabby bilang manager si Lolit Solis. At ito ang sagot.

“Yuuuuccckkkk!” sigaw ni ’Nay Lolit, sabay kumpas ng dalawang kamay na parang diring-diri sa topic.

“Nakooo, tama na ang 14 years na pinagsamahan namin, ’no! Hanggang sa alaala na lang ’yon!” sambit pa ng talent manager na nakapula pa manding jacket as though she had also seen red when I brought up the subject.

Oo nga naman. Sa kakaibang uri ng scam nagsanga ang landas nina ’Nay Lolit at Gabby na kung tutuusin was far worse than what is actually taking place between Mommy Rose and Gabby if only for the element of betrayal.

Mababaw lang ang usapin tungkol sa pananalapi kumpara sa naging atraso ng aktor sa dating manager. At dahil nga sa lalim ng kasalanang ’yon ni Gabby (although forgiven and forgotten), the ghost of the past is haunting and bounding him to this day.