Mariel misugot nga mag-bra ug panty

Wala magduha-duha si Mariel Rodriguez nga magpa-sexy isip unang celebrity endorser sa underwear line, ang Hot Pink diin ang iyang igsuon nga si Kaye Garcia ug ang bana niini ang tag-iya sa maong negosyo.

Matud sa TV host actress nga mokabat na ngadto sa upat ka tuig ang Hot Pink ug giangkon usab niini nga dugay na siya nga tiggamitan sa maong produkto. ‘You know before, even before akong nag-endorse, I think, July yata ako nag-endorse ng Hot Pink, pero four years na ang Hot Pink. Simula noon, nagsusuot na ‘ko because my sister is the designer. My sister owns it. So, majority of my pajamas inside the house, yung bras, underwear ko inside the Pinoy Big Brother House, Hot Pink yun,” butyag pa niini.

Hinuon giklaro ni Mariel nga dili siya magpakuha nga nag-panty ug nag-bra lang siya alang sa pag-endorso sa maong produkto. “No! Hindi! They didn’t have to...Actually, siyempre kasi, little sister ang tingin niya sa akin, so, hindi naman niya ini-imagine na mag-a-underwear pictorial ako, di ba? Pero after I came out in a men’s magazine, I think, that opened her eyes na okey lang naman. Puwede namang mag-pictorial na hindi naman malaswa. And I’m so happy. Let’s face it, we all wear underwear!,” nagkanayon si Mariel.

Geoff na-aksidente, wa ka rampa

Gihimakak sa manager ni Geoff Eigenman ang isyu nga ang hinungdan nga wala motunga ang actor sa Cosmopolitan Bachelor’s Bash niadtong Huwebes, mao nga nangluod sila tungod kay dili ang aktor maoy napili isip cover kundili si Derek Ramsay.

“No! Hindi totoo yun. Totoong isa si Geoff sa pinagpipilian noon, pero, nothing definite.  Si Derek na nga yung napili. Pero, hindi totoong nagtampo. Nagkataon lang na hindi pumuwede si Geoff sa mismong event,” matud sa manager ni Geoff nga si Perry Lansigan.

Nasayran nga nadisgraya sa motor ang nahisgutan atol sa taping sa bag-o niining serye, ang Moon River diin si Maja Salvador ang leading lady sa actor. Wala hinuon makaangkon og grabeng mga samad si Geoff tungod kay dali kining nadala sa tambalanan apan nagsakit pa gihapon ang kalawasan niini atol sa pagpahigayon sa maong Cosmo event nga maoy hinungdan nga wala kini makalugwa sa big night.

Paolo gipalingaw-lingaw ni Isabel

Giangkon sa uyab ni Paolo Contis nga si Isabel Oli nga kada tuig siya motambong sa pasundayag sa Cosmopolitan Bachelor’s Bash apan karong tuiga gigahin niya ang iyang presensiya sa maong big night aron sa paghatag og suporta ngadto sa iyang boyfriend. “It’s his first, so, talagang yun ang suporta ko sa kanya. Pero alam ko na kaya niya yun,” butyag pa ni Isabel.

Midugang usab kini og padayag nga siya mismo ang misulti kang Paolo nga dili niini hunahunaon nga mitan-aw siya sa pagrampa niini aron dili kini makulbaan.  “Sabi ko nga sa kanya, huwag niyang isipin na nandoon ako. ‘Gawin mo kung ano ang gusto mo. Baka isipin mo, nanonood ako.’ Pero hindi naman siguro siya kakabahan at saka, hindi naman siguro niya ‘ko makikita dahil ang dami-daming tao, ‘no!” nagkatawa kini nga namulong. “Basta sabi ko sa kanya, have fun! ‘Bahala ka na! Gawin mo kung ano’ng gusto mo.’ At saka, sabi ko, hindi ako magagalit, swear! Ha-ha-ha!”