TIPAKA: Mga Detalyeng Angay Atangan

Tungod sa intriga nga midako na ang ulo ni Angelica Panganiban sanglit dili na siya managad sa mga sakop sa entertainment press bisan og ikasugat niya, duna kini positibo nga bunga ngadto sa dalaga. Tungod kay rason ni Angelica hanap na ang iyang mga mata o dili na siya kaayo makaklaro, gikuha ang aktres isip endorser og contanct lens. Nagsaulog sa iyang 17th birthday si Josef Elizalde sa Pier 1 niadtong Lunes, September 8, courtesy of Yonics Fans Club. Didto giangkon niya sa PEP nga nanguyab pa lamang siya ni Nicole Uysiuseng pero masaligon siya nga sugton siya sa dalaga. Gani dihang gipangutana siya pilay iyang tsansa in a scale of 10, 7 0r 8 ang gitubag ni Josef. Niya pa, wala pa lang siya sugta ni Nicole tungod kay wala pa man pod niya suknaa ang dalaga. Samtang gikantahan ni Nicole og “ You’ll Always Be My Baby” si Josef, diin ang daddy mismo sa ulitawo ang miduyog.

* * *

Gipadad-an na ni Gabby og suwat si Mommy Rose nga gibugto na niini ang ilang relasyon isip manage-talent. Suma pa sa abogado ni Gabby nga si Atty, Raymond Fortun, wala matud pa matarong og dumala ni Mommy Rose ang career ni Gabby, duna matud pa kini gidoktor nga mga dokumento, wala i-rehistro si Gabby sa BIR ug wala usab kini kuhai og working permit. Apan si Mommy Rose wala na makugang sa lakang nga gihimo sa kampo ni Gabby.

* * *

Nag-pictorial na kagahapon sila si Toni Gonzaga ug Vhong Navarro alang sa ilang bag-ong pelikula, ang “My Only You” diin mao kini ang ikaduha nilang panagpares pagkahuman sa ilang primero nga pelikula nga nagkauban sila kaniadto sa “D Anothers”. Si Cathy Garcia Molina ang director niini, ug tipik gihapon kini sa 15th anniversary celebration sa Star Cinema.

* * *

Bisan og gikataho nga annulled na ang kasal ni Vhong Navarro ug Bianca Lapuz, nagdumili gihapon ang aktor pagtuki niini ngadto sa publiko. “Kasi, wala pa sa amin ang result so hindi pa rin kami puwedeng magsalita about the ano. Supreme court ang naglabas ng news, pero wala pa kami, eh. So, sabi ng lawyer ko, huwag daw munang magsalita kasi wala pa nga sa amin, eh,” nagkanayon si Vhong. - Maria Vera Naome C. Flores