Gabby invited sa premiere sa I.T.A.L.Y
Nasayran sa PangMasa nga nakig-meeting na pagbalik si Gabby Concepcion sa GMA Films ug subli nga gibutyag niini nga iya gyud ipadayon ang iyang contract alang sa usa ka pelikula sa nahisgutang movie outfit. Matud pa nga walay labot ang iyang manager niini nga si Rose Flamiano tungod kay iyang gipirmahan ang kontrata niadtong didto pa siya sa States ug wala pa ang iyang manager. Gibana-bana nga sa sunod tuig na sugdan ni Gabby ang paghimo og proyekto sa GMA Films. Samtang daghan ang mga showbiz observers nga nag-atang kung molugwa ba si Gabby sa premiere showing sa I.T.A.L.Y. (I Trust And Love You) karong Domingo, September 14 sa SM Megamall, diin ang nahisgutang pelikulang maoy gibalibaran niadto sa aktor.
JC gitudloan og walo ka macho dancers
Atol sa presscon sa drama anthology sa GMA-7 nga Obra, gipadayag ni JC de Vera nga dili niya bout nga mamis-interpret ang iyang giingon niadto nga dili siya ganahan og mga bayot, matud pa niya nga daghan siya og mga friend nga mga bayot busa dili siya kasaway niini. Giangkon hinoun niya nga dunay higayon nga hapit niya masagpa-i ang usa ka bayot nga dili niya kaila apan misuway og hawok kaniya. Si JC ang bag-ong i-feature karon sa Obra nga sugdan na ugma sa gabii diin dalhon niya ang papel nga macho dancer. Giangkon ni JC nga dili siya maayo sa pagsayaw busa walo gyud ka tinoud nga mga macho dancers ang nagtudlo kaniya. Duna pa gyud siya’y acting coach nga permi mobantay sa iyang estilo sa pag-arte. Gani gidayeg siya sa direktor sa nahisgutang episode nga si direk Jun Lana kay mabinantayon gyud ang young actor sa iyang pag-arte. Si Lovi Poe ang pares ni JC butang nga gika-excite sa mga fans sa aktor.
Alfred ug LJ maghawok
Nakauyon pag-ayo si Alfred Vargas sa iyang role sa Sine Nobela nga Una Kang Naging Akin ug inspired siya kanunay sa panahon nga mag-taping sila, pero klaro kaayo nga ang iyang gipasabot kay ang kanhi niya girlfriend nga si LJ Reyes nga pares niya sa maong Sine Nobela. Pero iyang gibutyag nga good friends na lang sila karon. Gikataho usab nga duna sila’y kissing scene ni LJ sa nahisgutang serye. Sa istorya sa Una Kang Naging Akin, duna siya’y sekreto nga pagbati kang Jessa (Maxene Magalona) kinsa nahigugma kang Darwin (Wendell Ramos). Samtang si Liway (LJ) kay na-inlove kaniya.
- Latest
