Mark excited sa ilang panagbalik ni Jennylyn

Masaligon si Mark Herras nga daghan gihapon ang modumog sa umaabot nga pagbanhaw sa ilang loveteam ni Jennylyn Mercado. Nasayran sa PangMasa nga aduna nay giandam nga proyekto ang GMA-7 alang sa duha ug ang maong project maoy giisip nga big TV comeback ni Jennylyn pagkahuman kini manganak. Kahinumduman nga ang ulahing panag-uban sa duha sa TV mao ang La Vendetta samtang ang Tiyanaks usab ang ulahi nga pelikula nga nagkauban ang mga nahisgutan.   “Noon pa naman namin gustong magsama ulit ni Jen kahit sa TV lang. Nandiyan pa rin naman ang mga solid fans namin at hinihintay lang kami. Natural na excited ako sa project na iyon. Matagal din akong walang permanent na ka-loveteam. Kung kani-kanino na rin ako tinambal pero hanap pa rin ng mga tao sa akin ay si Jennylyn. Kaya doon pa lang, alam ko na magiging okey ulit ang pagsasama namin.” Giangkon ni Mark nga wala pa siya kaduaw ni Jen gikan sa pagpanganak niini ug kung moduaw man siya gusto niya nga naa siya’y kauban kay basin hatagan na usab og malisya sa katawhan ang iyang pagbisita sa kanhi uyab. Ug miklaro usab kini nga walay problema niini kung ugaling kuhaon kini nga ninong ni Jen sa bunyag ni baby Jaz. Sa pagkakaron, busy si Mark sa pag-promote sa ilang pelikula nga I.T.A.L.Y (I Trust And Love You) sa GMA Films.

Paglayat ni Alessandra positibo og bunga

Nakatabang matod pa og dako kang Alessandra de Rossi ang pagbalhin niini sa ABS-CBN tungod kay daghan na nga mga proyekto ang nag-atang sa actress sa Kapamilya. Kahinumduman nga usa sa mga sakop si Alex sa Star Circle diin kadungan niya kaniadto sila si Jodi Santamaria, Tracy Vergel ug Andrei Felix. Karon, lakip kini sa usa sa mga bug-at nga casts sa I Love Betty La Fea ug aduna pay mga guestings kini nga himuon. Giangkon sa actress nga tungod sa trabaho ang hinungdan nga mibalhin kini sa Kapamilya. Matod pa ni Alex nga dugay-dugay siyang nabakante og proyekto sa GMA-7 mao nga wala siya magduha-duha og balhin sa dihang gi-offeran siya sa ABS-CBN. Samtang, gawas sa regular nga paglugwa niini sa Kapamilya, makita usab ang actress sa TV5 diin bida kini sa four-episode series sa Love Books sa titulo nga “No Boyfriend Since Birth”. Makauban niya sa maong estorya sila Jomari Yllana, Joross Gamboa, Precious Adona ug Bruce Quebral nga makita matag Martes sa alas 7:00 sa gabii.

Carmen Soo giila nga Malaysia’s Cameron Diaz

Natino sa PangMasa gikan sa usa ka kasaligang tinubdan nga nagbase sa Malaysia nga sikat gyud diay si Carmen Soo didto sa maong nasud. Ang manager sa Malaysian post-hardscore indie band nga Love Me Butch nga si Kok Wing Meng ang mimatuod nga ilado gyud ang actress sa ilang nasud. Mao kini ang email nga nadawat sa Pang-Masa gikan sa maong manager:“Yeah, Carmen Soo is really popular here. I would say she’s comparable to Cameron Diaz.”