West Side Story daghag gihugyaw

Nakaani og grabeng pagdayeg gikan sa mga nakasaksi ang stage musical nga West Side Story diin sila si Christian Bautista ug Karylle ang mga bida. Tsika sa PangMasa nga atol sa press preview sa nahisgutang musical nga gipahigayon sa Meralco Theater niadtong Miyerkules sa gabii, daghan ang midayeg sa gipakitang nindot nga pagsayaw ug pagkanta sa tibuok cast sa maong pasundayag.

Matud pa nga angayan kaayo si Christian sa iyang pagdala sa role nga Tony ug mao kini ang primero niyang lugwa sa nataran sa stage musical. Samtang, hanas na kaayo si Karylle sa nahisgutang musical tungod kay una siya nga nailhan sa iyang paglugwa niadto sa The Little Mermaid. Isip Maria nga maoy role nga iyang gidala, gipakita sa nahisgutan nga usa gayud siya ka total stage performer. Ug nalingaw usab ang mga mitan-aw sa maong show tungod sa daghang mga kissing scenes nga nahitabo nila ni Christian ug Karylle. Apan ang mas nakapahugyaw sa mga makasaksi mao ang kamaayo sa pagdala sa papel isip Riff ni Gian Magdangal diin gipakita sa nahisgutan nga natural ra kaayo niya ang pagsayaw, pagkanta ug pag-arte nga maoy hinungdan nga daghan ang midayeg niini.

Mitan-aw usab sa maong pasundayag ang inahan ni Karylle nga si Zsa Zsa Padilla ug pwerteng dayeg sa duha sa gipakita nga kamaayo mo-perform sa nahisgutang singer sa maong show.“I am surprised that Kay has finally grown out of her shell,” pahiyom pa ni Zsa Zsa. “I knew naman that she has it, kailangan lang niya ng inspiration talaga. Hindi ko ini-expect that she would be doing such a complex role as Maria. I am surprised really and I am so proud of her and her talent.”

Gigahinan gyud og oras ni Dingdong ang maong show aron personal niya nga masuportahan ang iyang uyab. “Hindi ko ini-expect na magagawa niya ang ganitong klaseng musical. It’s such a big production at sa kanila nakatutok ni Christian ang buong story. I’m proud of Kay because she really did what she said she would do,” asoy pa ni Dingdong. 

Rufa MaE nadutlan ni Jon

Karong adlawa mobalik sa iyang trabaho si Rufa Mae Quinto sa iyang mga shows (Showbiz Central, SOP, Dyesebel at Bubble Gang) pagkahuman sa iyang tulo ka semana nga bakasyon sa Canada. Nasayran nga hapit na molugwa sa mga sinehan ang I.T.A.L.Y.: I Trust And Love You sa GMA Films ug humanon na lang niya ang ubang mga eksena sa iyang pelikula nga Single aron magsugod na usab siya sa shooting sa Desperadas 2.

Giangkon ni Rufa nga ganahan kaayo siya sa usa sa iyang leading men sa Single nga si Jon Avila tungod sa kabuotan niini ug hilumon pa gyud nga maoy iyang gusto sa usa ka lalaki. “Mabait si Jon, in fairness,” nagkanayon si Rufa Mae ngadto sa PangMasa. “Noong una ko siyang ma-meet, akala ko suplado. Tahimik kasi. Yun pala mahiyain. Kaya sabi ko na huwag siyang mahiya. Ako lang naman ito. It’s only me, Rufa Mae and nobody else!” bahakhak pa niya.

Matod usab sa nahisgutang comedian actress nga ang asset nga nagustahan niya sa Filipino-Irish hunk nga si Jon mao ang mga mata niini tungod kay ang mga tutok niini sa ilang mga eksena sa maong pelikula ang nakapadani niyag maayo aron hingpit nga modayeg sa actor.