My Only Hope–follow-up project sa Kimerald

Gikan sa usa ka tinubdan, nahibaw-an sa PEP (Philippine Entertainment Portal) nga matapos na ang Sunday drama anthology sa ABS-CBN nga Your Song ug gi-andam na ang puli niini ang My Only Hope.

Nagsugod na sa pag-taping ang bag-ong teen show sa Kapamilya Network gikan sa direksiyon ni Rahyan Carlos ug Jojo Saguin. 

Bida sa My Only Hope ang tulo ka Pinoy Big Brother Teen Edition Season 1 housemates nga silang Kim Chiu, Gerald Anderson, ug Niña Jose, diin usa kini ka love triangle nga daw parehas sa Tabing Ilog. Makauban pod nila silang Regine Angeles sa Be Bench, Star Magic 15 member Enchong Dee, ug ang igsoon ni Toni Gonzaga nga si Alex Gonzaga. Nabalitang last episode na ang Your Song episode nga nagsugod niadtong Domingo nga gibidahan nilang Aiko Melendez ug John Prats. Apan wala pay gihimong pormal nga announcement ang ABS-CBN kung matapos na kini ug kung pulihan kini sa My Only Hope. Gani wala na gyuy laing episode nga gi-taping ang Your Song.

Bukas na karun sa interviews si Nicole Uysiuseng, second runner up sa Pinoy Big Brother Teen Edition 2. Dihang gidayeg siya sa PangMasa tungod niini, tubag ni Nicole “Mababit naman ho kasi kayo sa akin.”Besides, na-realize ko na maging mabait at honest na lang, may puwesto ka sa showbiz.” Swerte kaayo si Nicole kay natagaan dayon siya og beak sa tv via sa teleserye, My Girl, nga gibidahan ni Kim Chui. Siya ang midala isip Hannah, ang tinuod nga apo sa adunahan kaayong Chinese businessman nga gidala ni Ronaldo Valdez. Si Kim ang midala sa title role nga My Girl, samtang si Gerard Anderson ang midala sa lead actor. Matud pa ni Nicole nga swerte pod siya kay kauban niya sa series silang Robi Domingo ug Josef Elizalde, nga suod na daan sa sulod sa Bahay Ni Kuya. Nakatabang pod ang presenya ni Keanna Reaves, nga midala isip iyahang auntie.Pareho silang mga taga Cebu. Taliwala ni Robi ug Josef, gi-angkon ni Nicole nga mas duol siya kang Josef. Tuod man naghuwat lang siya ni Josef nga pangulitawhan siya ug andam siyang mo-entertain sa pagpanguyab sa ulitawo. Unsaun na lang si Robi? Tubag ni Nicole, usa ray iyang kasingkasing.

Gidungog na gyud ang wish sa mga fans ni Jopay Paguia sa Sexbombs kay mosulod na siya sa Vaklushii sa Daisy Siete bisan unsang adlawa karong semanaha, hasta pod si Monic nga dugay pod nga nawala sa grupo. Wala talikdi ni Jopay ang Sexbomb, nangayo lamang siya og bakasyon sa manager nilang si Joy Cancio kay naglisud gyud siyag maayo niadtong gidala niya ang role sa Tabachingching, diin gigamitan siya og prosthetics para murag tambok siya tan-awon.

Ug tungod niini na-apektuhan gyud ang iyang scoliosis tungod sa kabug-at sa iyang costume. Nitaas lang ang iyang bakasyon tungod kay nadayon man ang iyang charity shows sa Japan ug didto una siya ni-istar og pila ka buwan. Karon, back to work na siya kay gimingaw siyang mo-arte atubangan sa camera.