Mga Detalyeng Angay Atangan

Happy si Paolo Contis tungod kay nominated siya sa best actor category sa Luna Awards sa Film Academy of the Philippines. Nominado si Paolo para sa performance niya sa Banal ug dungan niini migawas na pod ang September issue sa Cosmopolitan magazine diin usa siya sa featured celebrity hunks. Hubo si Paolo sa pictorial pero matud pa dili law-ay tan-awon ang hulagway.

Hingpit na gyud mag-artista ang kinamanghurang anak nila ni anhing Rudy Fernandez ug Lorna Tolentino nga si Renz Fernandez. Ang GMA-7 maoy dunay maayo nga offer ngadto ni Renz pero dili pa mahimong isulti unsay first project niini sa Kapuso. Si Mark Anthony Fernandez maoy nalipay og maayo sa maong balita nga nakahukom na gyud ang iyang manghud nga sudlon ang showbiz.

Subling gitin-aw ni Rhian Ramos nga dili siya publicity hungry ug nagdumili na siya pagtubag sa isyu nga siya ray nagmugna og intriga nga gipakatap sa Internet aron siya mahisgutan. Gihimakak pod ni Rhian ang isyu nga uyab niya ang anak sa usa ka TV executive. Suma pa niya dili pa siya pwedeng magbaton og uyab tungod kay 17-years old pa lamang siya.

Nahibalik na ang panaghigala nila ni Mark Herras ug ex-girlfriend niya nga si Lian Paz sa EB Babes pero walay part 2 ang ilang love affair. Gamay ra ang kalibutan sa showbiz, busa sayud silang duha nga magkita ra gyud sila bisan pa og dili nila gusto, hinungdan nga dili mahimong dili na sila magtagad hangtud sa hangtud. Wala pay bag-ong girlfriend si Mark sukad sila nagbuwag ni Lian kinsa padayong gilambigit ngadto sa direktor nga si Jeff Tan.

Nagniwang si Wendell Ramos ug dihang nagkita sila sa beteranang kolumnista sa PangMasa Manay Lolit Solis sa presscon   sa Una Kang Naging Akin, gitug-an niya nga tinuyo ang iyang pagpagamay og timbang tungod ug alang sa nahisgutang teleserye. Excited si Wendell tungud kay nindot ang istorya sa maong TV remake sa pelikula nila ni Gabby Concepcion ug Sharon Cuneta.

Ang mupauli ang ilang inahan sa Pilipinas ang wish sa managsuong Queenie ug Kylie Padilla. Gimingaw na matud pa sila sa ilang mama nga tua na sa Australia manimuyo. Samtang gidayeg og maayo ni Robin Padilla ang iyang asawa nga si Leizl Sicangco tungud sa maayong pagpadako ug pag-amuma niini sa ilang mga anak.

Touched na touched ang pamilya ni Francis Magalona sa plano ni QC Vice-Mayor Herbert Bautista nga magpahigayon og benefit show para sa may-sakit nga aktor/rapper. Gidapit ni Herbert aron mosalmot sa maong benefit show ang ilang mga kauban nga artista sa Bagets kaniadto, ug misanong gyud sa walay pagduhaduha. Andam sila nga mo-perform nga libre para sa ilang higala nga si Francis kinsa nagpabilin gihapon sa ospital, pero nagpaabot og go-signal sa iyang doctor aron makapauli na sa ilang panimalay.

Walay tubag ang beteranang kolumnista sa PangMasa nga si Manay Lolit Solis sa pangutana nganong nag- dark shades si Gabby Concepcion sa iyang pagtambong sa premiere night saFor The First Time. Wala pod siyay tubag sa laing pangutana tinuod ba nga wala muhuman og tan-aw si Gabby sa nahisgutang pelikula. Pero sigurado siya nga dunay mga kadugo ni Gabby nga gikan pa sa Amerika ug mipauli aron lang gyud mutan-aw sa For The First Time. Sa samang higayon, tsika pa ni Manay Lolit, ang mga paryente pod ni Annabelle Rama, kinsa mibalik pod sa nasud gikan sa US aron suportahan ang movie ni Richard Gutierrez ug KC Concepcion.