Senator Mar organized, Korina perming last minute

Nalingaw ang entertainment press kang Sen. Mar Roxas atol sa giandam nga lamiang panihapon niini sa iyang balay sa Bahay na Puti sa Araneta Compound. Matud pa sakto gyud ang pag-ila sa kadaghanan nga usa kini ka maayo nga tawo ug kusog pa gyud molingaw ug mopakatawa sa mga tawo.

Tsika sa PangMasa kauban usab sa senator ang iyang uyab nga broadcast journalist nga si Korina Sanchez kansang nagpunay lang og katawa kung pangutan-on ang nahisgutang senator kabahin sa level sa ilang relasyon. Unom na diay katuig ang ilang relasyon ug sa dihang gipangutana ang duha kung aduna na ba silay plano nga magminyo, igo ra nga mipahiyom ang mga nahisgutan.

Samtang, makita gyud sa mga mata sa senator matod pa nga dako kaayog gugma ngadto sa iyang uyab ug misugyot pa kini nga ang oras nga gigahin ni Korina alang kaniya ang pinaka-importante nga regalo nga nadawat niini. “’Yung pinakaginugusto niyang gift ay ‘yung panahon. At ako rin, ‘yung pinaka-parati kong hinihingi or ginugusto, time rin. At ‘yung time na ano ha, hindi puwede na sa kaliwang kamay niya, cellphone, sa kanang kamay niya, holding hands kami. Hindi puwede ‘yun. Gusto ko, kung ako, ako lang. Walang cellphone.”

Miangkon usab ang nahisgutan nga every weekend ra sila magkita tungod sa ilang mga trabaho apan kada adlaw sila magtinawagay ug magtiksanay sa cellphone. “Minsan araw-araw din nakakapagkita kami kahit 15 mins lang. Pero pag weekend, du’n kami nagkakasama nang medyo matagal. Kung minsan, nanonood ng sine. Ganu’n. Kung minsan, nanoood lang ng TV.”

Gipangutana usab ang nahisgutan kung unsa ang ilang mga kalainan sa usag-usa. “Ako…naku,giyera ito,” niya pa dayong katawa. “Ako, very orderly ako. Si Korina, is more last minute. In other words, kung mayroong flight, ako, gusto ko, 1 hour before andun na ako. Ayoko ng ninenerbyos na maiiwanan ka, may traffic, ganu’n-ganun. Si Korina, malaki ang tiwala niya na makakarating siya. Kaya kung minsan, kung may biyahe kami, kanya-kanyang tiket kami, basta magkita tayo sa airport,” nagkatawa nga misaysay ang senator. Ug matod sa duha nga kung magminyo na sila, upat ka mga anak ang ilang gusto nga moabot sa ilang kinabuhi. (Maria Vera Naome C. Flores UV Journalism Intern)