Katrina di gyud buhian sa Regal

Gikatahong gipadad-an na sa Regal Films ang Octo Arts Films og suwat kabahin sa gitakda nga paghimo ni Katrina Halili og movie sa nataran sa uwahi. Suma pa sa nasayran sa PangMasa nga giklaro sa Regal ngadto sa Octo nga duna pay kontrata si Katrina nila busa dili pa niini mahimo ang duha ka movies nga gilinya sa Octo para ni Katrina.

Kahinumduman nga duha ka pelikula ang giandam sa Octo para ni Katrina—One Night Only nga para sa Metro Manila Film Festival karong December ug Madam X, remake sa movie ni Governor Vilma Santos ug sa Amsterdam himuon sunod tuig. Wala pa si Katrina sa nasud sanglit duna kini US series of shows nga gihimo  kauban sila si Jonalyn Viray ug Kris Lawrence.  Sa iyang pagbalik, sugdan na niya ang taping sa “Gagambino” nila ni Dennis Trillo.

Mitingog na si Sandara Park kalabot sa isyu nga migawas nga siya ang una nga gi-offeran nga maoy modala sa lead role sa Filipino franchise sa Korean Drama nga My Girl. “Kung ako yun, ‘di na Pinoy version yun. Korean na ulit. Nakaalis na [ng Pilipinas] ata ako bago pa nila (ABS-CBN) nakuha yun,” tin-aw pa sa kanhi Star Circle Quest (SCQ) finalist ngadto sa ABS-CBN.com. Nagtuo ang mga himantayon nga mitumaw ang maong intriga tungud kay gitandi man sila si Sandara ug Kim kaniadto. Pero giklaro ni Sandara nga wala siya’y isyu ni Kim. Mibalik na si Sandara sa Korea gikan sa iyang hamubo nga bakasyon dinhi sa Pilipinas. Balik na pod ang iyang training para sa usa ka management company YG Entertainment. Ug gipaabot usab sa nahisgutan ang iyang pagdala isip bida sa usa ka Koreanovela sa umaabot. Gikahinaman usab kini sa mga fans sa young actress ug nasayran nga paliton sa ABS-CBN ang rights niini aron mapasalida dinhi sa nasud.