Gretchen madaling i-package

Surprisingly, wala akong narinig na mga negatibong komento sa nana­long si Gretchen Espina bilang kau­na-unahang Pinoy Idol. Sure akong na­kita rin nila yung nakita ng mara­ming manonood ng TV na malaking trans­pormasyon ng dala­gang mula sa Biliran sa pagi­ging isang trying hard na singer hang­gang sa isang ma­husay na performer.

Simple lamang siya nung finals, walang ka-effort-effort at hindi kina­kita­an ng nerbyos na ’di tulad noong mga nakaraan bago ang kumpetis­yon.

Pati nga si Vero (Ms. Samio) who was rooting for Penelope and Mae ay napapabilib niya. Galit na galit ito nang ma-eliminate ang dalawa at nagsabing pawang hindi magagaling ang natira sa contest. Pero nung gabi nang finals, sabi niya the best among the three si Gretchen.

Kitang-kita na kasi ang pananalo nito, na bagama’t tinanggap na ng marami na mananalo siya sa mga text votes pa lamang, sinabayan pa rin ito ni Gretchen ng isang ma­gandang performance. Napansin lamang ng mga bruha kong sekretarya na mas maganda ang white gown ni Jayann Bautista sa white gown ni Gretchen. Pero, doon lamang siya tinalo ng ma­gan­da at ma­hu­say na Pam­pa­gueña. Sa face-off nila, nama­yani si Gre­t­chen.

Nang tanu­ngin si Ogie Al­casid tungkol sa naging ka­ga­­na­pan sa fi­nals ng Pinoy Idol, si­nabi ni­tong “Gret­chen deserves to win, mahusay siya nung finals and she’s willing to learn. Kailangan lamang hubugin siya but, she’s the easiest to package,” balak nitong iprodyus ng concert ang natalong si Kid Camaya.

* * *

Totoo rin ang sabi ni Vero na mas exciting ang mga contestants sa Celebrity Duets 2. Napanood ko sila sa kanilang unang pagtatang­hal at napabilib nila ako, makakaasa ang mga ma­­no­nood ng isang masaya at makulay na paligsahan.

Si Chairman Bayani Fernando, talagang palaban. Kung sabagay, among the contestants, siya lamang ang nakapag-concert na, at may bo­ses talaga. Bilib ako na inamin niya na ang pagsa­li niya sa contest ay isang paghahanda para sa paglahok niya sa pulitika sa 2010. Gagawin niya ang lahat ng paraan para maging champion although sigurado akong bibigyan siya ng mahirap na laban ng kanyang mga co-celebrities.

* * *

Sinabi ni Ruffa Gutierrez na never siyang mapo-fall (in love) kay John Lloyd Cruz na kasama niya sa seryeng Betty La Fea. Katwiran niya ay kaibigan niya ang girlfriend nitong si Liz.

Sinabi ni Ruffa na like niya ang ginawang pagwi-welcome ng ABS-CBN sa kapatid niyang si Richard.

“Kahit Kapuso siya ay itinuturing nila siyang isang Kapamilya. Kaya proud ako sa kinaaniban kong network,” sabi niya.