Tatlong bagong programa bumirada
Isang masaya, maintriga, at makabuluhang weekend ang sasainyo linggu-linggo sa mga bagong programa na tiyak inyong pakaaabangan sa DZMM TeleRadyo.
Humanda na at kilalanin kung sino ang pinakamahusay magpatawa sa radyo sa talent search na LOL (Laugh Out Loud) simula Linggo (August 24),
Isang konsepto mula pa mismo sa ABS-CBN President na si Charo Santos-Concio, bahagi ito ng hakbang ng DZMM para mas lalu pang maging kapakipakinabang sa mas maraming viewers ang istasyon.
“Bukod sa pagiging una sa balita, gusto talaga naming gumawa ng comedy program para magaan naman sa mga viwers lalu pat ang daming krisis na kinakaharap ang bansa,” sabi ni DZMM Station Manager Angelo Palmones. “Naghahanap din kami sa LOL ng versatile na mga anchors na pwedeng humawak ng talk at variety shows.”
Kasama ang host na si Norman Mitchell, subaybayan kung ano magiging kapalaran ng 36 na mapipiling amateur comedians at kung ano ang kailangan nilang pagdaanan sa malulupit at respetadong judges na kinabibiliangan ng stand-up comedian na si Pretty Trizsa, stage director at host na si Ahwel Paz, aktres na si Kitkat, at advertising executive na si Irene Panganiban.
“Dapat spontaneous, may timing at mabilis mag-isip ang mga contestant. Dapat sila mismo ay natatawa at naniniwala sa materyal nila,” sabi ni Pretty Trizsa na lumalabas sa mga show sa comedy bars at Varga.
Naniniwala si Irene na handa na ang mga Pinoy sa mga stand-up shows at kinakailangang paghandaan ng mga contestants ang kanilang mga material para mapatawa ang live audience at ang judges.
“Dapat komportable ang mga contestant sa kanilang gagawin at isipin din nila ang kanilang costume at props,” sabi ni Panganiban
Ang kampeon sa LOL ay makakatanggap ng one year contract sa DZMM, P100,000 cash at kabuhayan showcase.
Maari pang humabol ang mga nais mag-audition sa darating na Huwebes (Aug 28) sa ABS-CBN Studio 8. Ito ay bukas sa lahat ng mahilig magpatawa na may edad 18 hanggang 40 at wala pang kahit anung TV exposure o kontrata mula alas-diyes ng umaga hanggang alas-dos ng hapon. Tumawag lamang sa 415-2272 loc 5659 at 5627 para sa mga katanungan.
Samantala, extra hot at extra exclusive namang mga showbiz chika ang hatid ng showbiz reporter na si Ambet Nabus sa Showbiz Extra tuwing Sabado,
Alamin ang latest sa mga paborito niyong mga artista at ang mga isyung kinasasangkutan nito. Dadagdagan pa ng maiinit na blind item na tiyak kikiliti sa inyong mga isipan.
Matapos ang siksik na showbiz intriga, susundan naman ito agad ng makabuluhan at ispiritwal na mga punlang diwa ni Fr. Jerry Orbos sa bago nitong programang Light Moments with Fr. Jerry Orbos, tuwing
Talaga namang mas masarap makinig ng radyo tuwing Sabado at Linggo sa mga dekalidad na programang hatid ng nangungunang DZMM Radyo Patrol 630 at DZMM TeleRadyo sa SkyCable channel 26. Mapapanood din ang DZMM TeleRadyo sa Internet sa pamamagitan ng TFC Now!
- Latest
