Actress dedma-to-death sa naka-fling ng asawang actor

Tiyak na riot ang mangyayari sa Year 2 ng Celebrity Duets dahil magkasama ang magkapatid na Joey Marquez at Melanie Marquez sa eight contestants. Kasama rin sa list sina Carlene Aguilar, JC Buendia, Cory Quirino, at MMDA Chair Bayani Fernando na nagko-concert na.

Sa presscon mamaya makukumpirma kung totoong join si Raffy Romillo at ang Fil-Brit soccer player na si Phil Younghusband at may nag-float ding kasali si Rhea Santos.

Dapat kasali si Ricky Lo, pero hindi raw pinayagan ng Philippine Star, at nag-backout na­man sina Jinkee Pacquiao at Jerry Cor­diñera. Sa August 22 na ang taping para sa pilot sa August 23, ng Celebrity Duets to be hosted pa rin nina Ogie Alcasid at Regine Velasquez at mapapanood every Saturday sa GMA 7.

* * *

Aliw ang pangdededma ng misis ng isang gwa­pong actor sa actress na pinaghihinalaan niyang naka-affair ng kanyang mister. Ilang beses nagka­salubong ang kanilang mga mata at rampa nang rampa ang actress sa harap ng misis ng actor, pero dedma si misis. Wala talaga siyang nakita and to think, blinding ang kulay ng damit na suot ng actress.

Mas pinansin pa ng misis ang press people at ibang celebrity na nasa okasyon kesehodang starlet sila kung ikukumpara sa dinededma niyang actress.

Nagkasama sa isang pelikula ang asawa ni misis at ang actress at malakas ang feeling nitong nagkaroon ng fling ang mister at ang actress. Kaya mula noon, dinededma nito ang actress at damay sa kanyang pangde-dedma ang kapatid nito.

Hindi na papayag si misis na makasama pa ng asawa niyang actor ang actress sa kahit anong project sa TV at pelikula. Siya mismo ang magre-reject ng project, gaano man kaganda para wala ng chance ang asawa at actress na magkasama.

* * *

Fuschia ang motif ng premiere night ng Loving You at kahit sina Polo Ravales at John Prats, gano’ng kulay ang suot. Sina Aljur Abrenica at Yasmien Kurdi lang ang hindi sumunod dahil ang una, white polo na may red print ang suot at ang young actress, parang burgundy ang kulay ng gown.

Ipinagmalaki pa ni Yasmien na si Gorgy (Rula yata) ang tumulong mag-ayos sa kanya na nagpa-iba sa kanya sa ibang cast. Para siyang cast ng Disney movie sa ayos niya that night na lalong nagpabata sa kanya.

Hindi kami nagkaroon ng time na usisain sina Jean at Polo kung totoo ang tsikang break na sila? Sa grand presscon ng movie pa napansin ng press na walang kislap ang mga mata ng actress kahit katabi ang actor at tungkol sa kanila ang usapan. Madali raw mahuli kung in love ang actress dahil halata sa mga kilos at kislap ng mga mata, na wala na sa kanya ngayon.

Whatever! Basta ang alam namin, game na game sila sa kissing scene at love scene nila sa nasabing pelikula na showing na ngayon August 20. Nakakagulat talaga ang pagpayag ni Jean na magpahalik ng maraming beses at pumayag sa shower scene nilang dalawa.