August 19, 2008 | 12:00am
Tungod sa kondisyon sa iyang lawas gitambagan diay si Willie Revillame sa iyang mga doctor nga kinahanglang mopahuway og usa ka buwan, buot pasabot nga kinahanglang biyaan una niya ang Wowowee. “For one month kailangang magbakasyon. Dapat meron akong sulat from three doctors sa heart, sa intestines, and siyempre yung throat ko,” butyag niya sa ABS-CBN.com. Pero kinahanglang mananghid una siya nila ni Charo Santos-Concio, ABS-CBN President ug Gabby Lopez, ABS-CBN Chairman kalabot sa maong plano. “May commitment kasi ako sa sponsors, sa ABS-CBN, at sa publiko so hangga’t kaya ko munang dahan-dahanin, magpapaalam pa ko.” Dungan niini, gipanalipdan ni Willie si Pokwang sa pagtawag ni Joey de Leon niini nga ‘aswang’. “Mabuting tao si Pokwang, edukada. Bakit siya maaapektuhan eh hindi naman talaga siya aswang? Tao naman si Pokwang. Kung alam n’yo lang kung gaano nakapagpapasaya si Pokwang sa buong mundo. Hindi aswang ‘yan,” panapos pa niya. (Ryan Mark)
Torotot labing maayo nga movie
Human sa SRO premiere sa UP Film Institute bag-o pa lang , daghang film critics ang mihatag og komento nga miingon nga dili lang basta bold movie ang Torotot kundili maisip kini nga best film made this year, busa dili na angay ikahibulong nga giimbita dayon ang maong movie sa Brussels Film Festival sa umaabot nga Nobyembre. Nagtinalbugay sa pagpa-sexy sa nahisgutang pelikula sila si Maui Taylor ug Precious Adona. Samtang nagpakita usab sa tagsa-tagsa nila ka abilidad sa pag-arte ang mga lead actors sa movie nga sila si Baron Geisler ug Yul Servol nga walay tihik-tihik usab sa ilang pagpa-sexy. Malantawan na ugma sa mga sinehan ang Torotot under Viva Films ug Production 56.
