August 18, 2008 | 12:00am
Usa ka avid fan ang mi-tsika nga karon kumbinsido na siya sa iyang mga nadungod nga negatibong istorya kabahin sa iyang idolo nga tri-media personality. Siya mismo niya pa, biktima sa ka mapa labilabihon manulti sa iyang idolo ug nagbasol siya nga wala siya maminaw sa iyang mga higala kaniadto, bisan pa og gipasidan-an na siya nga lainon og batasan ang iyang idol. Nasakitan si Fan tungod kay gi-insulto siya sa iyang idolo human nga wala kini makauyon sa iyang komentaryo. Gi-padad-an pa siya og text niya pa ug gipangutana “where is your brain?” Aminado hinuon ang fan nga duna siya’y sayop nga nabuhat pod pero miuyon siya sa reaksyon sa manager sa iyang idolo nga nagkanayon nga dili maayo ang gibuhat ni idol ngadto ni fan.
* * *
Kumbinsido ang fan nga dako na gyud og kausaban ang iyang idolo. Gani, niya pa dihang naay mi-text nga laing fan ug misugilon ni idolo nga gisaway siya sa iyang mga kakumpetensya sa trabaho, napungot ang nauwahi ug nagyawyaw nga bisan unsaon pa sa iyang mga kakumpetensya og saway, tri-media personality na siya. Dayon mikomedya si idolo aron mabugnaw sa sitwasyon. Pero, matud pa sa fan nga sa Friendster account ni idolo perte niining yawyaw ug gihagit ang mga misaway niya sa pagbaton og kaisog nga makig-atubang niya. Pangutana sa fan, ni-rate ba ang TV show sa iyang idolo? Tubag sa kauban sa trabaho sa iyang idolo mao nga sayang lang kay wala gyud mokagat ang publiko sa show ni idolo. Meaning pildi sa kontra!
* * *
Ang kauban sa trabaho ni idolo mi-tsika pod ngadto ni fan nga daghan diay dili ganahan sa iyang idolo sa mismong gitrabahoan niini tungod kay giisip ni nga kontrabida. Gani, gi-question pa niini ang lain nilang kauban nga inanay na nga naka-penetrate pod sa local television. Tsika pa sa kauban ni idolo, dili ganahan ang nahisgutan nga masapawan kay gusto niini nga siyay bida permi.
* * *
Clue? Kapamilya o Kapuso . Hahaha. Pero usa ray sigurado, kauban sa trabaho ni idolo nabalaka nga mahagba si idolo sa ngadto-ngadto tungod kay inanay na kining nalumos sa usa ka basong tubig. Pero, niya pa hinuon sauna pa nakasabot na siya nga si idolo daan nang dahom, misamot pagbaton na niini og TV show.
Confirmed ang color?
Nalokah ang usa ka balhibuon og baba sa iyang nasayran gikan sa usa ka big boss. Wala siya magdahom nga “darna” diay ang iyang higala nga local celebrity, pero, sa baba na mismo ni big boss naggikan ang tsika nga textmate ni local celebrity ang usa ka DJ sa maong estasyon nga taguon lang nato sa ngalan nga Papa Pat. Sa tantong text –text nagkasinabot si celebrity ug si Papa Pat ug duna gyuy “milagro” nga nahitabo tali nilang duha. Diri ra pod naka-amgo si Papa Pat nga ang sikat nga celebrity diay maoy iyang textmate. Nabutyag ang maong “milagro” dihang mihawa na si Papa Pat sa iyang gitrabahuan kay dinhi pa man pod midawat sa tanyag ang local celebrity nga motrabaho sa kompaniya nga gibiyaan ni Papa Pat. Kinsa si local celebrity? Basta ilado gyud siya!
