Marvin archery ang gikalingawan

Archery ang gikalingawan karon ni Marvin Agustin ug seryoso siya nga muapil sa 2012 Olympics nga ipahigayon sa London. Tsika pa nga kanunay mag-practice og pana si Marvin, gani kanunay kining dunay dala nga pana sa set sa Gaano Kadalas Ang Minsan.

Ogie adtong Miyerkules pa nagpa-annul

 Pwes, migawas na gyud ang tinuod nga niadto pa diay’ng Miyerkules miduso og annulment si Ogie Alcasid busa sayop ang mga balita nga kaniadto niya gipa-annul ang ilang kasal ni Michelle Van Eimeren.

Gituohan hinuon nga madali ra ang proseso tungod kay wala may supak si Michelle sa relasyon nila ni Ogie ug Regine.

Iwa Moto magpakitabang

Best in hilak si Iwa Moto dihang gibisita niya ang iyang amahan sa Japan ug gipakita sa Startalk kagahapon. Crying lady si Iwa tungod kay naluoy siya sa iyang father dear nga napriso na, may sakit pa gyud. Ang makagawas sa prisohan ang iyang amahan maoy giampo karon ni Iwa ug mangayo siya og tabang gikan sa mga natungdang opisyal aron makadawat og parole ang iyang papa.

Bilib Ka Ba Nights ugma na

Ugma na sugdan ang Bilib Ka Ba Nights sa GMA 7 ug ang Ripley’s Believe It Or Not ang unang maaninaw. Si Chris Tiu ang host sa  Ripley’s Believe It Or Not. Wala gyuy ambisyon ang basketball hottie nga mag-artista busa happy siya isip host. Duha na ang show ni Chris sa GMA-7, ang Pinoy Records ug Ripley’s Believe It Or Not.

Matag Martes pod ang World Records ug si Paolo Contis ang host. Sila si Maverick & Ariel ang mga host sa Masquerade matag  Miyerkules.

Yasmien mibalibad sa men’s magazine

Tinuod ang balita nga gibalibaran ni Yasmien Kurdi ang offer nga mag-pose siya nga sexy sa duha ka men’s magazine. Dili ma-imagine ni Yasmien mag-two-piece lang ang iyang isul-ob. Una, gidili kini sa ilang relihiyon ug ikaduha walay kaisog ang young actress nga maghubo atubangan sa camera.  Pero bisan gibalibaran niya ang offer, nahimangod si Yasmien tungod kay ang maong mga offer nagpasabot nga sexy diay siya sa panan-aw sa ubang mga lalaki.