Mga Detalyeng Angay Atangan

• Bisan og gidungog nga dunay “ hard to resist offer” ang GMA-7 kaniya, gipahibawo ni Ruffa Gutierrez nga dili siya mobiya sa ABS-CBN tungod kay nakauyon kaayo siya sa treatment sa network niya, ilabi na nga maayo ang iyang gidawat nga talent fee nga matod pa dako pa sa kang Bea Alonzo nga bida unya sa I Love Betty La Fea, diin ang actress/ TV host ang kontrabida.

• Daling gihimakak sa mga higala nila ni Ai-Ai delas Alas ug Pokwang ang intriga nga wala magtagad ang duha niadtong nag-abot sila backstage sa Meralco Theater diin guest sila sa special tribute para ni Mang Dolphy. Matod pa nga nagtagad ang duruha ug walay isyu tali sa mga nahisgutan tungod kay managsama nga mga maayong pulong ang giluwatan nila alang sa usag-usa.

• Duna nay mga nanghinaway ni Marvin Agustin tungod kay matod pa, hayan buot niini nga tawgon og playboy sanglit bisan kinsa na lang ang nalambigit niini nga daw susama ra kadali og mag-ilis siya og bisti. Kini tungod kay human ni Diana Zubiri wala naman mulurang ang tsika nga seryoso ang aktor kang Katrina Halili.

• Misibaw gyod ang intriga nga dili tinuod nga “ age gap” ang hinungdan sa break-up nila ni Pauleen Luna ug Valenzuela Mayor Sherwin Gatchalian, kondili ang pagkahilig sa mayor og mga batan-ong babaye. Kini bisan pa man og gihimakak na sa kampo ni Charrie Pineda ang isyu nga siya maoy gipuli sa mayor sa dapit nga gibiyaan ni Pauleen.

• Nagdumili si Charice Pempengco pagluwat og pamahayag kalabot sa isyu nga wala makauyon ang kampo sa iyang daddy nga migawas sila nga dautan sa gipakita nga life story sa international singing sensation sa MMK niadtong milabay nga semana. “Wala naman po. Kasi, ayoko naman pong mag-react e. Mga kamag-anak ko naman po sila, ang sa akin lang po, hayaan na lang po, kumbaga siyempre, katotohanan lang naman po yung lumabas doon e. May mga nag-react, pero mas nangibabaw pa rin yung mga natuwa sa life story ko.”