Mga detalyeng angay atangan: Lloydie-Sarah movie, mihipos og P14M

Gikatahong P14 million ang kita sa A Very Special Love nila ni Sarah Geronimo ug John Lloyd Cruz sa pagbukas niini sa mga sinehan lukop nasod niadtong Miyerkules. Nagtuo ang Star Cinema nga ang maayong lenggua sa mga nakakita sa premiere niini, maoy rason sa pagpangharos niini sa takilya.

Bench magpakahilom na lang?

Napanlantawan nga walay plano ang Bench nga mupagawas og official statement kalabot sa mga intriga nga giatubang sa gipahigayong fashion show sa maong kompaniya niadtong Biyernes. Kini tungod kay human nagyawyaw si Annabelle Rama kalabot sa matod pa niini nga dili makiangayon nga treatment sa Bench kang Richard Gutierrez. Kini tungod kay imbes nga matod pa muluwat og opisyal nga pamahayag, ang senior endorser man niini nga si Richard Gomez ang mitingog ug nanghimakak sa maong isyu.

Eco Moda Manila subhan

Subhan karong adlawa ang Eco Moda Manila, ang main studio, diin anha himuon ang mga eksena sa I Love Betty La Fea. Ang nahisgutang studio nahimutang sa usa sa mga floors sa Eugenio Lopez Communications Center sa ABS-CBN. Giatngan na ang pagtambong sa mga cast sa nahisgutang teleserye nga sila si Bea Alonzo, Ruffa Gutierrez, Vhong Navarro ug uban pa. Tungod niini, nag-atang pod ang mga himantayon kun mulugwa na ba ang mudala sa papel nga Armando karong adlawa, sanglit gikataho man pod nga duna nay mga eksena nga himuon karong adlawa.

Ryan maoy mo-host sa FF

Gitakdang pormal nga ipaila si Ryan Agoncillo karong adlawa isip host sa Fear Factor sa ABS-CBN. Nasayran sa Pang-Masa nga sunod semana na pod gitakdang molarga si Ryan, ingon man ang cast and crew sa maong project paingon sa Argentina diin adto didto ang taping. Kini maoy hinungdan nganong wala tugti si Ryan molugwa isip guest-host sa Eat Bulaga kagahapon.

Mga higala ni Jennylyn motabang

Tsika sa beteranang kolumnista sa Pang-Masa, Manay Lolit Solis nga daghan ang misaad nga motabang ni Jennylyn Mercado human gikataho nga wala kini kwarta nga igasto sa iyang pagpanganak. Kahinumduman nga na-ospital si Jen last week, apan niadtong Lunes, mihangyo kini nga sa ilang balay na lang magpaabot sa adlaw sa iyang pagpanganak aron makadaginot sa gasto. Next week na gitakda nga ihimugso ni Jen ang umaabot nga anak nila ni Patrick Garcia.