Piolo ug Lloydie giuna ang shooting kaysa Bench

Mipasabot na ang Star Magic nganong wala makalugwa ang duha nila ka mga pambato nga talents nga sila si Piolo Pascual ug John Lloyd Cruz sa Blackout fashion show sa Bench niadtong Biyernes. Matod ni Rikka Dylim, PR head sa Star Magic, nga atol sa nahisgutang fashion show dunay commercial shoot si Piolo samtang si John Lloyd busy usab sa iyang shooting sa usa ka pelikula. Kahinumduman nga nangangha ang mga mitan-aw sa nahisgutang fashion show tungod kay wala mulugwa si Piolo nga gidungog nga maoy grand finale star. Diha pay mga nagduda nga hayan dunay nalapas nga lagda si Piolo sa kontrata niya isip bigtime endorser sa Bench tungod kay wala niya tungaha ang labing dako nga event sa maong kompaniya karong tuiga. Pero matod sa Star Magic walay nahitabo nga negative issue sa wala pagtambong sa duha sa maong controversial fashion show.  Samtang nasayran nga exclusive ang print coverage sa Star Studio Magazine ug makita ang 22-page feature sa maong fashion show sa August issue sa SSM.

Varga ipaila ni Kapitan Boom

Gidungan sa ABS-CBN ang pagpahigayon og presscon sa “Kapitan Boom” ug “Varga” tungod kay bisan sa programming, adunay overlapping nga mahitabo sa duha ka mga nahisgutang fantaserye.  Ang Kapitan Boom maoy mahuman ug ang Varga musugod anang adlawa diin dunay turnover of crown nga mahitabo— Kapitan Boom ngadto kang Varga.  Tsika sa Pang-Masa mapasalamaton nga miatubang sa press ang grupo sa Kapitan Boom aron hingpit nga magpasalamat sa suporta nga gihatag sa ilang mga fans sa nahisgutang fantaserye. Matod ni Jon thankful kaayo siya tungod kay gihatagan siyag dako nga kahigayonan nga mahimong superhero nga maoy labing dako niya nga break. Ug sa dihang gipangutana ang actor kung unsa ang feeling nga ang mopuli nga pantaserye niya mao ang kang Mariel kinsa gidungog nga iyang gipanguyoan sa PBB kaniadto, tubag ni Jon, “Masaya ako para sa kanya. Bagay na bagay sa kanya ang “Varga’. I’m very happy that she’s also gonna be in the Komiks thing. I’m just so happy for her.” Gihunahuna usab sa produksiyon nga posible nga mag-uban ang duha sa usa ka fantaserye nga morag Kapitan Boom meets Varga ang konsepto.  Karon nga hapit na mahuman ang Kapitan Boom, atubangon na usab ni Jon ang pelikula nga iyang himuon samtang si Maja usab, magsugod na sa iyang umaabot nga serye, usa ka family drama nga dunay working title nga Moon River. Ug si Jay-R usab kay for sure aduna na kini laing project nga naghuwat alang niini.

Mariel inosente sa gidugayon na nila ni Zanjoe

Usa ka Canon 450D ang gihatag nga birthday gift ni Mariel Rodriguez ngadto sa iyang uyab ug leading man sa Komiks presents Mars Ravelo’s Varga nga si Zanjoe Marudo. Gibalita nga mularga ngadto sa USA si Zanjoe alang sa pagpahigayon og show sa Cover Boys ug tungod kay unang higayon niini nga mutekang sa Tate, labihan ang excitement niini karon. Open na kaayo ang duha sa ilang relasyon apan sa dihang gipangutana si Mariel kung pila na ka months silang steady ni Zanjoe, igo ra kini miingon nga wala silay monthsary ug anniversary ug wala siya kahibaw kung ngano. Samtang, daghan ang miingon nga angayan kaayo ang nahisgutang TV host actress sa iyang costume isip Varga. Sexy kaayo kining tan-awon kay very exposed ang iyang legs, cleavage ug hamis nga mga bukton. Sakto usab kaayo sa iyang lawas ang iyang costume ug very slim kaayo siyang sud-ungon niini.  Matod ni Mariel nga giandaman niyang maayo ang iyang pagpadaot alang sa maong fantaserye aron walay masaway ang taga press kaniya. Malipayon kaayo ang nahisgutang TV host actress nga siya ang napili ni Deo Endrinal (business unit head sa ABS-CBN) aron modala sa lead role nga Varga. Ang Varga ang nobela sa mipanaw nga Mars Ravelo nga mao usab ang naghimo nila ni Darna, Captain Barbell, Kapitan Boom ug Dyesebel.

Jennylyn mugawas na sa ospital

Nakadawat og text ang Pangmasa gikan sa manager ni Jennylyn Mercado nga si Becky Aguila ug nagpahibawo nga nag-stabilize na ang contractions ug pulse rate sa nahisgutang nagsabak nga young actress nga karon na-confine sa St. Luke’s Medical Center. Mihangyo matod pa si Jen nga sa ilang balay na lang siya mopahuway aron mamenosan ang gasto.  “She’s due to give birth early next week, hopefully by normal delivery since okay na ang position ng baby,” matod sa text sa manager ni Jen. Kahinumduman nga gidala ang nahisgutang young actress sa hospital niadtong miaging Sabado ug matod sa OB-Gynecologist ni Jen nga si Dr. Judy Ann Uy nga adunay nahitabo nga “preterm uterine contractions sa young actress resulting to threatened preterm labor.”