Mga detalyeng angay atangan

• Sumsuman na karon sa mga forums nga mahuman na ang “My Girl” sunod buwan ( Agosto), busa karon pa lang naguol na ang mga Kimerald fans. Pero dunay uban nga miingon nga okay lang nga mahuman na, basta duna dayoy puli nga project alang sa ilang mga idolo. Suma pa sa mga himantayon, kun sundon gyod ang original version, daw mahuman na gyod ang “ My Girl” tungod kay naa na kini sa punto nga mabuking na si Jasmine ug Julian.

• Katagsa na lang matod pa magkita karon sila si Riza Santos ug Will Devaugh tungod kay pareho silang busy. Pero gipaneguro ni Riza nga duna gihapon silay constant communication ni Will, gani nasayod man siya nga dihang kaistorya siya sa Pang-Masa, mao pay paghuman ni Will og shoot para sa usa ka commercial.

• Naglanog karon ang balita nga kuhaon gyod sa ABS-CBN si Dingdong Dantes at all cost. Pero lahi ang nasagap pod nga tsika sa beteranang kolumnista sa Pang-Masa Manay Lolit Solis. Niya pa, usa ka Kapamilya executive ang nahinabi ug miangkon kini nga ang mga dagway nila ni Richard Gutierrez ug Dingdong mao gyod ang “ in” karon, busa mangita sila og talent nga pwedeng isakbang sa duha ka mga lig-on nga pambato karon sa Kapuso network.

• Plano ni Nadine Samonte nga mukuha og crash course sa photography kay buot niya nga magtukod og kaugalingong studio. Samtang tulo na ka tuig ang relasyon ni Nadine ug sa anak sa tag-iya sa Ping Ping Lechon, pero wala matod pa silay plano nga magminyo tungod kay buot pa nila nga makatigom. Apil si Nadine sa Ako Si Kim Sam Soon, isip kontrabida nga ex- girlfriend ni Mark Anthony Fernandez. Tinug-anay matod pa ang sinagpaay nila ni Regine Velasquez.

• Mibahad si Annabelle Rama nga dili na niya i-pa-renew si Richard Gutierrez isip endorser sa Bench tungod kay wala siya makauyon nga dili maayo ang treatment niini sa nakalabay nga fashion show adtong Biyernes. Ang tsika mao nga wala dayon mailhi si Richard sa mga mitan-aw tungod sa make-up niini, busa wala kaayoy mipakpak. Ni Annabelle pa dili patas ang presentation, tungod kay sa paglugwa nila ni Sam Milby, Dingdong Dantes ug Rafael Rosell dihay mga gipangmugna ang production aron matawag gyod ang attention sa nanan-aw.

• Walay malisya matod pa ang pag-istar ni Geneva Cruz sa balay karon ni Jay-R. Matod sa RnB prince, suod sila nga managhigala ni KC Montero ug nasayod kini nga sa iyang balay nagpuyo karon si Geneva. Niya pa, duna man gud siyay recording studio ug buot nga muhimo og album si Geneva busa sa iyang balay na lang usab kini nag-istar karon.