Maraming Noranians ang alam kong madi-disappoint dahil wala akong maibabalita tungkol sa idolo nila.
Hindi ko kasi alam kung saan siya, wala akong contact sa kanya. Hindi ko alam kung nasa San Francisco siya o LA. Sabik man akong makita siya, walang tsansa dahil hindi ko alam kung paano. Pero marami akong narinig na kuwento tungkol sa kanya na ikinalungkot ko. Hindi ko rin alam kung paniniwalaan ko. Tulad nung kuwento na nagalit sa kanya ang mga pumunta sa isang pa-show niya dahil dumating siyang walang boses. Eh singer siya, ang pagkanta niya ang pinakaaabangan ng mga gustong manood sa kanya.
Sayang di ko naitanong ito sa kanya, dahil nga di kami nagkita.
* * *
Even in the US, ang daming nagtataanong sa akin kung totoo raw bang nagpakasal na sina Judy Ann Santos at Ryan Agoncillo. Kasama sila sa cast ng Eat Bulaga na nag-show dun. Sagot ko, mahirap manghula hangga’t wala silang sinasabi. Sabi ko, wait na lang sila tutal nangako ang dalawa na hindi nila ipaglilihim kapag nagpakasal sila.
* * *
Annulled na pala ang kasal nina Dennis Padilla at Marjorie Barretto. Happy na siguro sila pero naisip ba nila ang naging damdamin ng kanilang mga anak sa tuluyang paghihiwalay nila? Minsan kasi marami sa mga nagpapa-annul ang hindi na iniisip ang magiging resulta ng pagkawasak ng pamilya nila basta makuha lamang nila ang minimithi nilang annulment.
Minsan di ko maintindihan yung maraming naghihiwalay ngayon, di ba nila naisip yung sumpang binitawan nila na pagsasama hanggang kamatayan?
* * *
Bongga rin naman yung ginagawang promo ng GMA Films para sa pelikula nilang ITALY. Sa mga cruise liner pa ginaganap ang mga presscon para rito. Yung second presscon, makakaranas pa ang mga imbitadong press ng isang cruise around Manila Bay. O di ba bongga?!
Sana makarating na ang complete cast sa presscon sa Lunes. I was told wala raw sina Eugene Domingo at Rufa Mae Quinto, eh ang dami-dami pa namang gustong itanong ang press kay Rufa Mae. Pero, andun naman sina Jolina Magdangal, Dennis Trillo, Mark Herras, Rhian Ramos at ang direktor na si Mark Reyes na game namang nag-entertain sa pang-uusisa ng press.
