Mga detalyeng angay atangan

Mga detalyeng angay atangan

Kasab-anan ni Manay Lolit Solis ang iyang alaga nga si Pauleen Luna, kinsa nagpabilin pa sa Las Vegas, human sa show sa Eat Bulaga didto. Kini tungod kay mitago matod pa si Pauleen dihang hinabion unta ni Lhar Santiago. Matod ni Manay dili maayo ang gibuhat ni Pauleen tungod kay nakaila siya ni Lhar ug sayod siya nga dili kini mangutana og makapasuko sa usa ka artista. Gawas pa, mahimong mag-no comment si Pauleen kung dili siya ganahan mutubag.

Kung na-tsismis nga nagpakasal sila si Ryan Agoncillo ug Judy Ann Santos sa ilang pagbakasyon sa Europe, karon migawas na pod ang tsika nga didto sila sa US nagminyo. Pwes, matod ni Manay Lolit Solis, imposibli kini tungod kay nagkuwang pa man gani ang oras sa duruha alang sa shopping, kasal na ba hinuon. Kuyog ang mag-uyab sa show sa Eat Bulaga sa US niining bag-o lang.

Nabalita na dinhi sa Banat Hugyaw nga gidapit si Erik Santos aron mu-awit atol sa closing ceremonies sa Beijing Olympics 2008 sunod buwan. Pwes, ang bag-o mao nga, ang I Believe I Can Fly/This Is The Moment ang awiton ni Erik atol sa maong event—mga kanta nga nakapadaog niya sa Search for the Star In A Million.

Karong gabii na mahitabo ang “Bench Blackout Denim & Underwear Show” sa Araneta Coliseum ug daghan ang nag-atang kung masunod ba gyod ang desisyon ni Mr. Ben Chan asa nga bahin sa show ipaslak ang iyang mga top endorsers. Tsika nga nasagap sa Pang-Masa mao nga daghang nag-apil-apil nga talent managers asa nga bahin sa show nila palugwaon ang ilang alaga. Pero namulong matod pa si Mr. Ben Chan nga siya maoy masunod ug ang iyang hukom mao mugawas sa opening number si Dingdong Dantes, sa middle sa show musulod si Richard Gutierrez ug ang finale si Piolo Pascual.

Kinsay gipasabot sa mga tsismis nga gikapungtan karon sa iyang mga co-scholar sa  “Pinoy Dream Academy 2” tungod kay matag higayon nga magkaduol na ang gala performance “ginugulo” na niini ang iyang co-scholars pinaagi sa iyang gimmicks, to distract the other scholars? Ang tsika gisapot na lakip ang mentors sa batasan niining maong scholar ug kun silay masunod, buot sila nga mapalayas na kini. Pero ang problema mao nga kanunay kini masalbar sa text votes tungod kay nindot gyod kini og tingog.

Upat na lamang ka mga Pinoy, ang nahibilin aron makigtigi sa final round sa nagpadayong World Championships Of  Performing Arts karon sa Hollywood. Sila mao si Tippy dos Santos (13 years old), Catherine Loria (13 years old), Rachel Razon (13 years old), ug senior contestant Marielle Corpuz (22 years old). Ang final round ipahigayon karong July 25, Friday, 7:30 p.m. sa Westin Bonaventure Hotel sa LA. Sila si Panky Trinidad, Dex De Rosa, Abegail Dorado, Glee Nette Gaddi, and the Sison brothers (Marek, Enzo, Ruiz), igo ra nakaabot sa semi-final round.