Mga detalyeng angay atangan
• Gidungog nga si Katrina Halili ang mamahimong leading lady ni Dennis Trillo sa Gagambino. Pero matod pa sa two-time FHM Sexiest nga igo pa lamang siyang nakadungog niini ug wala pay formal offer nga nadawat.
• Mibuto ang taho kagahapon nga buwag na gyod matod pa sila si Jomari Yllana ug Pops Fernandez—third party matod pa ang rason. Kahinumduman nga una nang gidungog months ago nga break na sila apan gihimakak sa duruha. Pwes, gimik o tinuod na gyod silang buwag karong panahona? Atangi!
• Target ni Katrina Halili nga mahimong 21 inches gidak-on sa iyang hawak, isip pagpangandam sa shooting niya sa pelikulang Madam X sa Amsterdam karong November. Wala pa pod matino kun duna ba gyoy cameo role ang original Madam X nga si Governor Vilma Santos.
• Upat ka buwan na nga mabdos si Amy Perez, courtesy of her current love, DZMM news reporter, Carlo Castillo. Ikaduha na unta nila kining baby, kung wala pa lang makuhai si Amy.
l Hangtod karon wala pa gyod diay mausab ang posisyon sa gisabak ni Jennylyn Mercado, busa kun walay kausaban hayan ipailawom siya sa caesarian section o posibli nga suhi ang bata. “Pero napakalikot na po, kapag parang umuunat ang mga braso niya, ang sakit-sakit, para akong sinusuntok!” tsika pa ni Jen, kalabot sa iyang umaabot nga anak lalake nga iya nang ihimugso, pipila ka semana gikan karon.
• Minyo na diay si Victor Neri ug kasamtangang nagbase na karon sa Hongkong diin duna kini giduma nga negosyo. Si Diether Ocampo maoy mipaambit niini ngadto sa press, kinsa sama ni Victor nalambigit ni car racer cum tv host, Gaby de la Merced kaniadto.
• Gisaad ni Pambansang Kamao Manny Pacquiao nga muhatag siya og P1M ngadto sa Pinoy athlete nga makakuha og gold medal sa Beijing Olympics sunod buwan. Si Pacman maoy mangulo sa delegasyon gikan sa Pilipinas inig bukas sa labing dako nga indigay sa paugnat sa kusog sa tibuok kalibutan, sunod buwan.
• Nagyawyaw ang mga fans ni Kim Chui batok sa ABS-CBN tungod kay matod pa gimaniobra niini ang kaugalingong survey aron paboran si Bea Alonzo. “ Madaya jud abs! May gnaw xlang poll last wk. C kim at angel mgklbn s votes. Peo c kim mtaas. Den anang gabii last counting bgla bng c bea nag win! Eww dmi nagtaka! Tapos naa dw buhaton nga coronation s asap! Ang lamang sna n kim k bea 3 thou plus, tas anang gabii c bea na lamang at nag win!,” nagkanayon ang mensahe nga nadawat sa Banat Hugyaw gikan sa lunod-patay nga supporter ni Kim.
- Latest
