Panalo sa Cinemalaya ’08

Ang mga nagwagi sa katatapos na Cinemalaya 2008 na ginanap sa CCP Main Theater ay sina Baron Geisler (Best Actor para sa pelikulang Jay); Mylene Dizon (Best Actress, 100); Yul Servo (Best Supporting Actor, Brutus); at Eugene Domingo (Best Supporting Actress, 100).

Ginampanan ni Baron ang isang gay TV show producer na gumagawa ng isang dokumentaryo tungkol sa isang homosexual teacher na pinaslang.

Inialay ng aktor ang kanyang award sa mga taong naniwala sa kanya at patuloy na sumusuporta sa kanya.

Ginampanan naman ni Mylene ang isang babaeng malapit ng mamatay dahil sa sakit na kanser. Inialay niya ang award sa kanyang anak na si Tomas Miguel. (VER PAULINO)