Shirt na regalo ng aktres kay Marvin FAKE!?

Seen: Sina Rhian Ramos at Mark Herras sa presscon ng ITALY. Wala silang chemistry. Hindi talaga sila papasa na loveteam.

Scene: Ang suporta ng GMA 7 management kay Jan Manual, ang Starstruck Avenger na naaksidente sa Kapuso Olympics noong Lunes at nagkaroon ng 2nd degree burn. Matatagalan ang pagpapahinga ni Jan dahil kailangang gumaling ang kanyang nasunog na balat. Nakunan ng kamera ang nangyari kay Jan ngunit hindi ito mapapanood sa Kapuso Olympics na ipalalabas ngayong Linggo nang gabi sa GMA 7.

Seen: Walang naniwala sa balita na walang milyung-milyong salapi na sangkot sa pagpapalaya kay Ces Orena-Drilon at sa cameramen ng ABS-CBN. Tama ang ang kanilang hinala, may pera ngang inilabas kaya sila nakalaya.

Scene: Malaki raw ang problema ni Rico Puno dahil tinangay ng isang tao na malapit sa kanya ang lahat ng importanteng dokumento. Hindi raw muna makakapangibang-bansa si Rico dahil dinala rin ng ‘suspect’ ang kanyang passport.

Seen: Mr. Concepcion ang tawag ni Jolina Magdangal kay Gabby Concepcion. May paggalang man ang tawag niya kay Gabby, halata na hindi pa nawawala ang tampo ni Jolina sa aktor ngunit hindi niya ito aaminin.

Scene: Hindi ang Internet ang proper forum upang makahanap ng hustisya. Kung talagang biktima ng extortion ang gay na nagkukuwento na naging karelasyon siya ng Viva Hotman na si Paolo Serrano, sa korte ang wastong lugar. Ilabas din niya ang lahat ng ebidensya na biktima siya ng extortion. Nakatulong lang ang kanyang Internet diary upang mapag-usapan si Paolo.

Seen: Hindi positibo ang mga review sa Final 12 ng Pinoy Idol. Lalong hindi makakatulong sa programa ang mga negative opinion ng mga inimbitahan na press people.

Scene:  Ang tampuhan sa pagitan ng PMPC at ni Senator Jinggoy Estrada. Kailangan ng dialogue ng magkabilang-kampo upang matapos na ang kanilang ‘hidwaan.’ Hindi nila tiyak kung tama ang mga sanga-sangang balita na ipinararating sa kanila na nagpapagulo sa sitwasyon.

Seen: Ang admission nina Judy Ann Santos at Ryan Agoncillo na engaged na sila. Matagal na ang relasyon nina Juday at Ryan. Kasal na lang ang kulang.

Scene: Ang ‘signature shirt’  na iniregalo kay Marvin Agustin ng isang aktres. Hindi na-excite si Marvin. Hindi raw  ‘orig’ ang T-shirt.