Ang gisulti nila about Daboy
Pila na ka tuig ang nakalabay nga nagkuyog dinhi sa Cebu ang managhigala nga sila si Sen. Bong Revilla, Philip Salvador, Sen. Jinggoy Estrada ug anhing Rudy Fernandez. Nag-promote sila sa movie ni Jinggoy Estrada niadtong tungora.
Pero duna ko’y dili gyud malimtang kasinatian niadtong tungora. Una, si Maam Rose Gaisano mireklamo nga dunay wa mabayri sa Mandarin Restaurant sa Gaisano Country Mall. Salamat na lang gani kay may nakapasabot ni Maam Rose nga dili ang local coordinator ang angayang manubag sa maong dili maayong hitabo. Lain pang kasinatian nga dili nako malimtan niadtong higayona mao ang pagpakigsulti unta sa sports writer sa The Freeman nga si Raffy Uytiepo kang Rudy Fernandez, kay nakadawat og balita si Raffy nga interesado si Rudy nga himoan og pelikula ang kinabuhi sa usa ka runner nga usa ray tiil nga gihinganlan og Rudy Fernandez usab.
Gikahinabi ni Raffy Uytiepo ang
Pero aniay pipila ka mga pulong nga nadungog nako about the late Rudy Fernandez, the actor. Matud pa ni Maam Rose, buotang magtiayon sila si anhing Rudy Fernandez ug Lorna Tolentino.
Lain midayeg kang Rudy Fernandez mao ang giilang promo queen nga si Josie Pereyra. Matod niya, “mabait si Rudy. Mahusay magbayad. Siya ang dapat manalo bilang senador.”
Lain pang nakuhaan nako’g pamahayag about ni Rudy the actor mao si Dulce. Misugilon siya, “I was singing for the birthday of Erap. He was there… looking at me, mora’g naka-relate sa akong gikanta. Receptive kaayo siya. Pero mora’g tataw kaayo nga gi-extend lang ang iyang kinabuhi.”
Miingon usab si Ace Espinosa: “ Boutan kaayo tong tawhana oy. Mao bitaw’ng siya’y gipakugos nako sa kamagwangan nakong anak (anak ni Ace nga si AJ) Kompare mi ato. Anugon nga wa siya magdugay sa kalibutan, kay daghan pa unta siyang matabangan.”
- Latest
