KC Concepcion

Ang pangalan nga KC Concepcion kay ladlad na sa nagkadaiyang billboards, magazines, television shows, commercials, charity events. Karon, excited na kaayo ang dalaga sa iyang unang album  nga  Cassandra, under Sony BMG Music Entertainment. “It’s a different medium and it’s more casual,” padayag pa niini. “I think I’m more myself with music,” nagkanayon si KC. Iyang gihulagway ang recording process isip “exciting personal experience.” Matud pa niya mas maayo nga suwayan gyud ang ubang medium. Gi-share pud niya  nga duna’y paborito ang iyang umaabot nga pares sa usa ka pelikula nga si Richard Gutierrez nga usa ka kanta sa iyang album, ang original South African hit song  nga “Doo Be Doo”

Gerald Anderson

Gihilantan busa na-ospital si Gerald Anderson adtong Lunes, gumikan sa over fatigue. Timing nga sa hospital ang location nila sa taping sa My Girl busa na-examine ra dayon ang young actor. Gipapahuway si Gerald og tulo ka adlaw aron siya maulian. Gipaabot nga motunga na siya og balik sa set sa My Girl ugma puhon. Kinahanglan gyud niya nga malagsik tungod kay dako sila’g role ni Kim Chui sa big night sa PBB Teen Edition Plus karong Sabado sa Araneta Coliseum. Tsika pa nga labihan ang gibating kabalaka ni Kim human nasayod nga na-ospital si Gerald ug naulian lamang kini dihang gipasaligan nga pahibaw-on siya matag karon ug unya unsa nay kahimtang sa aktor.

Steff Prescott

Kontrabida na pod ang papel ni Steff Prescot sa ‘Ako Si Kim Sam Soon,” starring Regine Velasquez sa GMA-7 nga magsugod na karong buwana. Kini human usab siya nagminaldita sa “My Only Love.” Pero wala siya mabalaka niini, tungod kay dako siya og salig sa GMA-7 nga maoy nagduma sa iyang career. “Ganoon naman talaga dapat ang artista. Inspiration for me si Katrina, pero hindi sa point ng pagpapa-sexy. I mean, huwag na muna. Wala pa akong ipapakita. Bata pa ako. I’m only 17. Yun lang naman ang dahilan,” say pa sa dalaga.

Toni Gonzaga

Atol sa press conference  Pinoy Dream Academy Season 2 last June 3,  gibutyag ni Toni Gonzaga  nga duna siya’y big project sa katapusang bahin karong tuiga, usa ka pelikula diin makauban  niya pagbalik si  Vhong Navarro nga mao’y kapares sa dalaga sa  D Anothers kaniadto.   Busy kaayo si Toni karon kay pagkahuman sa iyang Pinoy Big Brother (PBB) Teen Edition Plus diin karong Sabado na ang big night , aduna pud siya’y laing show , ang PDA Season 2 diin usa siya sa mga host niini kauban ni  Billy Crawford.  Ang PDA kay mag-launch karong June 9  ug ang grand opening night niini kay karong June 14.  

Chynna Ortaleza

Si Chynna Ortaleza maoy major kontrabida sa character ni Heart Evangelista sa  Codename: Asero, ang bag-ong action series sa GMA-7 nga bidahan nila ni Richard Gutierrez ug Heart. Matud ni Chynna dili problema alang niya ang kontrabida role, ang importante mao nga duna siya’y trabaho. “Actually, hindi dapat gawing isyu ‘yan. Kasi when I was younger, kapag tinatanong ako kung okey sa akin ang roles ng kontrabida, okey lang sa akin. Gusto ko. ”

Krista Ranillo

Miulbo ang kaspa sa 70’s matinee idol nga si Matt Ranillo human siya nasayod sa launching movie sa iyang anak nga si Krista Ranillo—sexy movie—nga giluohan og “Paupahan.”  Sa milabay nga adlaw confident pa kaayo si Krista nga miingon nga wala makabasa ang iyang daddy sa script, ug sure siya nga sa sinugdanan masuko gyud kini pero makasabot ra pod sa ngadto-ngadto. Pero ang tsika mao nga mihilak matud pa si Krista nga mitawag kagahapon sa co-producer ug scriptwriter sa movie nga si Dennis Evangelista  ug mihangyo nga mugnaan lang ang ubang eksena aron dili na sexy ug nga dili na lang ipagawas ang iyang sexy publicity photos para sa pelikula. Pero miingon si Evangelista nga dili kana mahimo tungod kay sayod si Krista daan nga sexy gyud ang tema sa maong pelikula. Dugang pa niini nga angay nga ipasigarbo ni Krista ang maong movie tungod kay PG13 ang rating niini sa MTRCB ug “B” usab ang gihatag sa Cinema Evaluation Board.

Annabelle Rama

Giangkon ni Annabelle Rama nga gikulbaan gyud siya sa first few shooting days sa  Monster Mom diin co-star niya ang iyang anak nga si Ruffa Gutierrez . Pero komportable na siya karon nga nagkaduol na ang katapusan sa ilang shooting busa wala na kaayo siya kulbai.   Matud pa nga  magkalisod-lisud si Anabelle niadto ilabi na nga mag-adlib si Ruffa; mawala siya sa iyang mga linya tungod kay nagdahom siya nga ang nasuwat sa script maoy masunod. Pero karon matud pa nga mobawos na pod siya og adlib. Daghan na matud pa og movie offers nga nadawat si Annabelle pero nagduhaduha pa siya og iya ba kining sanongon tungod kay natugkad niya nga dili lalim ang mag-dubbing, mas kapoy ug kuti pa kini sa actual shooting.