Marian pinaglalaruan na lang

Seen: Ang cast ng My  Girl sa Sta. Lucia Mall noong Linggo. Pinagkaguluhan at tinilian ng fans sina Gerald Anderson at Kim Chiu.

Scene: Si Dennis Trillo at hindi si JC De Vera ang bida ng Gagambino. Ipinakikita na sa GMA 7 ang mga bagong programa nila, ang Gagambino, Codename : Asero, Kim Samsoon, Survivor Philippines at La Lola.

Si Richard Gutierrez ang bida ng Codename: Asero, si Paolo Bediones ang host ng Survivor Philippines, si Regine Velasquez ang Kim Samsoon at si Rhian Ramos ang La Lola. Ang La Lola ay kuwento ng isang lalake na naging babae.  

Seen: Ang mga artista na kailangan ng acting workshop: Iwa Moto, Roxanne Guinoo, Katrina Halili, Gerald Anderson, Enchong Dee at Zanjoe Marudo.

Scene:  Ang mga video ni Marian Rivera sa Youtube. Pinaglalaruan na si Marian ng detractors niya. Naka-upload sa Youtube ang kanyang mga TV commercial ngunit naka-re-dub ang mga dialogue niya. Pinalabas na sinisiraan ni Marian ang ibang mga artista. Humantong na sa ganitong kababang-uri  ang paninira kay Marian.

Seen: Ang hiyawan ng kasiyahan ng studio audience sa ASAP noong Linggo dahil sa VTR greeting ni Lolit Solis. Nag-congratulate si Lolit sa Star Magic anniversary celebration at sa mga talent nito.

Scene: Ang sunud-sunod na plugging ng GMA 7 sa GoBingo. Epektibo ang ginagawa ng GMA 7 dahil tumataas na ang rating ng game show ni Arnel Ignacio. 

Seen: Ang artikulo na isinulat ni Reggie Aspiras tungkol sa kanyang 4-year old gifted son na si Diego. Lumabas ang artikulo sa isang broadsheet noong Lunes. Hawig kay Edu Manzano si Diego.