Premyo “48 years” nalang, wa ihatag?

Hello mga suki namo diri sa Banat Hugyaw hilabi na sa mga BisChikadora nga nag uros-uros ang ilang suporta para sa inyong Yur’s truly. Dako kaayo ang akong utang kabubut-on kaninyo. Tungod ninyong hurot nagpadayon gihapon inyong BisChika nga molingaw matag Domingo para sa mga Bisayang Chika! Hugyawwww!

Karong Domingo ang mga eksena sa Carmen adventures ang inyong masaksihan kauban si Travel Jock Benjamin nga wala nagduha-duha sa pagtikang sa nindot kaayo nga langub sa Carmen, as in Hugyaw ang yopak nga akong nabati with my dearest segment producer Dennis Tanoc kay lima ka bungtod ug usa ka sapa ang among naagian para lang maabot ang maong langub, plus nag-uwan pa gyud. Imagine yourself nga sa kadako nako naligid ligid ang akong beauty kay slide ang kabukiran. Pero it’s all worth it kay Hugyaw ang cave! Mas Hugyaw kay biscuit lang ang gipalafang ni me and the team; ang make up artist nga Gretchen Sy ga buwa-buwa ang lips kay wala siya nakauyon sa lafang madaot daw ang iyang scientific beauty pero infairness gihatag nila ang ilang suporta...

Ayaw gyud kini sipyata mga suki kay kami pa mismo ang mga taga Istayl Nato ang unang magpakita sa usa sa mga nindot nga caves sa Carmen sa telebisyon. Ayaw sipyata 10:45 karong buntag sa GMA 7. And of course, ang Saving Kamagong molugwa alang sa labing unang feature band para sa Artist of the Week. Mga suki para sa inyong mga Greetings Galore and your travels bisag asang suok sulod ug gawas sa nasod email lang sa [email protected]

Ang BisChika nga akong nasagap sa mga radar sa atong mga BisChikadora kay una : Usa ka contestant sa singing contest sa kauluhan hangtud karon ang iyang premyo nga gi OPM kaniya hangtud karon wala gihapon niya nadawat as in! Nag-audition nalang sila para sa second season deadma ang maong production!!! Noh? Kaluoy sa maong contestant dili nako ma imagine sa kadako ug kaadunahan sa production dili pa nila mahatag? Ang contestant iyang litanya karon “waiting for nothing”! Kinsa si contestant? Basta bisdak ug scholar ng bayan! Kinsa man ang production outfit? Wait and see mulugwa na sila this month daw!

Second Bischika mao ang mahitungod pud sa duha ka male contestant sa usa ka beauty pageant nasakpan nga nag Kiss to Kiss. Check! Adan ug Adan! Ang BisChika kay ang duha ka mga male contestant nagpahiluna sa usa ka room with other contestants pero sa dihang sila nalang matud pang duha sa maong room adunay milagro nga nahitabo nga  nakita sa saksi—ang pag Kiss to Kiss. Hugyawww! Wala ta kahibalo basin friendly kiss, brotherly kiss o halik ni Hudas! Hehehhehe… kinsa kini sila? Ang sure sa atong BisChikadora usa sa Bisdak, ang usa never mind! How I wish ako nalang...Pak!

Till next time mga friendship for your reaction email at BisChika numero 0917-7395098.