Pagpang-gamit

Only a few months ago, dunay gatawag nako, gaingon nga, makigkita nako si Hon. Board Member— [ayaw na lang iyang ngan, aron way langas], pero adto kono sa lain niyang opisina diha sa duol sa Cebu Doctors Hospital. Giingnan pa jud ko nga hayan, si Board, nga dunay laing negosyo, mo-sponsor sa among salida sa CCTN. Wa kaayo ko ma-excited actually kun mo-sponsor si Honorable sa among show, for reasons nga dili sad nako ikabutyag. Ang ako lang, gusto kong masayod unsay tuyo ni Honorable nako. Pero pag-abot nako didto sa giingong lugar, unsay akong naabtan? Seminar sa networking! Ingon ana ang modus operandi usahay sa networking mga manash. Bikton ka, ilaron ka, ug manggamit og mga ngan, aron ka ma-intriga’g attend. Anyway, naminaw lang sad ko’g kadiyot. Pabayron ta’g pila ka thousands aron ta ma-member. Haay! Nitagam nako ana, yadzz.

Unya, only very recently, dunay gidakop nga mga talents kono, nga miggamit sa DYKC, RPN –9. Kay nag solicit og mga sponsors didto’s Pagadian kay ang DYKC kono, magmugna og singing contest didto. Dagha’g na-tulisit pero way show. Nangreklamo ang gipang tulisit. Wa hinoon mauwaw ang gipangdakop, kay matod pang Eking Borromeo, naanad na kono ning mga tawhana. Hasta siya, gitulisit aning grupoha busa, di na siya mahibulong.

Pero two weeks ago, mibukal ang dugo ni direk Pepe Tariman, kay ga-istorya sila’s Eking, Greg Lawas, Robert Lecciones, Wilnard Banzon ug Jun “Boyoyoy “ Sarda nga nakaagi sila sa Compostela ug nakabasa sila’g usa ka streamer nga dunay show ang mga taga CCTN apil ang taga “Tres Metros.” Gipangutana ni direk Pepe si Jun Abaincia kay taga Compostela man, about sa show, pero wa masayod si Jun. Ang nahibaw-an niya laing grupo, gigamit lang ang mga ngan sa mga talents sa CCTN. Nganong ingon ana man ang ubang tawo? Hinoon, corrupt gani, corrupt gyod, dili tungod sa ka paet sa panahon karon, matod pa sa usa ka listener sa dyAB. Ang pobre konong dili corrupt, paminaw mo’g maayo, moingon man: “Dili pa lang sala og daotan ang pagpanulis, manulis na lang ko..” Pero ang tulisan, manulis, tungod sa bisyo. Dili matagbaw sa iyang income.