“Old skul meets Nu skul” kauban si Maestro Doy
Mwahhh sa tanang nagsunod kanunay sa akong lindog, labi na gyod tong mga ni-text nako sa ilang mga reactions ug suggestions. Sorry kaayo nga dili ko ka-text back kay daginot na gyod kaayo ang akong load rong panahona. Sorry kaayo sa tanang gusto makig-textmate nga wala na gyod ko’y panahon nga magsige og butingting sa akong CP kay lagi gawas sa pag-atiman sa akong baby Rain, naa pa’y household chores to attend to. Mo-tsup na lang ko sa tanang nagparamdam sa ilang gibating kasibot ug kaikag sa mga butang nga atong pagasumsuman dinhi – silang RCT, Rendon, Ms. G, mga taga Talisay, taga Mandaue City ug Lapu-Lapu City; mga taga Toboso, Negros Occidental; mga taga-Calape ug Maribojoc, Bohol; labi na gyod tong mga taga Sibulan, Negros Oriental – kitakitz ta diha’s Lake Balinsasayao ha kay mobalitok gyod ko diha sometime next week kay gimingaw na ko’s kabugnaw sa Twin Lake. Hmmm…nature is my religion!
Bisan og sa Agosto pa puhon ang “Old Skul Meets Nu Skul” concert nga pagabitoonan sa banggiitang conductor sa Mutya Orchestra nga si Maestro Febes “Doy” Montaña, ako nang isangyaw’ng daan ang maong kalihokan kay
Kini si Maestro Doy, duna’y kaila nga Bisdak nga tu-a na manimuyo sa Chicago,
Sa pagkatinood lang umuliay na unta ang mag-amahang Dayong ug Yanong dinhi sa Sugbu niadtong Marso pa alang sa
Samtang kini si Maestro Doy, dili lamang band leader kundi composer ug arranger sab. Sa iyang mga kamot natagik ang himno alang sa maong pasundayag (yesiree peepz, as in andam na ang mga materyales, gani nakita na nako ang music sheets pero sad to say lang nga dili gyod ko kaantigo mobasa’g notes…paet, Ryan Cayabyab!) ug ubos sa iyang baton iyang ipintal sa entablado ang matuod nga kahulugan sa “gugma ug pagmahal sa Bisaya.”
Kahinumduman nga si Maestro Doy maoy nagtimon sa Mutya Orchestra nga mihatag og kinabuhi sa mga huning karaan atol sa “Halad, Kunsiyertong Bisaya” alang sa panawagan sa usa ug hiniusang Sugbu niadtong Septiyembre 30, 2006 nga didto pagahimoa sa dakbayan sa Mandaue. Init pa man kaayo ang isyu sa Sugbuak bills niadtong panahona.
Nianang gabhiona, ang pipila ka Visayan classic songs gihataga’g igong gikusgon ug giladmon nga makatukmod sa pagpanglugmaw sa mga luha ug makadulot sa kasingkasing nga nabantok na’s impluwensiya sa mga kantang iya sa Kasadpan. Bulok sa kultura ug ang kinabuhi’g kinaiyang Bisdak miagay sa baton ni Maestro Doy.
Ning tuiga, mibalik si Maestro Doy sa entablado alang sa Sinulog event sa Cebu Malay Society of Composers, Authors and Producers, Inc. nga gipahigayon niadtong Enero 18 sa SM City-Cebu.
Alang niadtong wala’y bisan
Big hit matod pa ang Spit of the Morning Sun dinhi sa Sugbu sa kanhiay’ng panahon tungod sa ilang pag-cover sa jazz songs. Si Doy ug ang iyang banda matawag og pioneers in jazz fusion dinhi sa ato. Lakip silang Rico Puno, Hajji Alejandro ug Basil Valdez nga mipakpak kanila sa ilang pagpalambo sa maong istilo niadtong panahona. Apan tungod kay kuli man nga matagaan og dakong pagtagad ang mga lumad nga musikero dinhi, nagkabuwag-buwag sila ug ang iyang mga kauban sa dihang nanimpalad sila gawas sa Pilipinas.
“Kasagaran namo nanglangyaw gyod kay di man mi mabuhi sa among kaugalingong nataran. Three decades back, grabe ang suporta for foreign acts and mosamot kasikat ilang mga kanta kay sigehan og cover. Invaded pud ang local mainstream og mga Tagalog artists. In short, kulelat mi sa market. Whereas sa gawas, mas maka-appreciate pa man ang mga foreign nationals sa among mga Binisayang compositions,” saysay ni Maestro Doy.
Ang ubang detalye hinayhinayan ra nako paghukad dinhi ning akong lindog ug sa The FREEMAN Entertainment Section (kay mo-resume naman ang akong writing stint alang sa among sister paper!), busa atangi ang paghikyad nako’s mga retaso ning maong konsiyerto hangtod nga inyong mabatyagan ang pagpanikad nga mosaksi sa maong pasundayag.
- Latest
