Dos, naninindigan sa Glutathione isyu

Naninindigan ang ABS-CBN News sa investigative report ng kanilang chief correspondent at news anchor na si Korina Sanchez.

Ayon sa head ng Corporate Communications ng ABS-CBN na si Bong R. Osorio, ang tungkulin nila bilang mamamahayag ay ihayag ang katotohanan -- na pito (7) sa siyam (9) na skin whitening products na ipinagbibili sa merkado ngayon ay hindi pumasa sa masusi at malayang lab test na isinagawa ng Philippine Institute of Pure and Applied Chemistry (PIPAC), isang laboratoryo na accredited ng BFAD at nakabase sa Ateneo de Manila University campus.

Para sa kapakanan ng mga mamimili, pinangalanan ng ABS-CBN News ang lahat ng mga produktong isinailalim sa pagsusuri, pati na ang kabuuang resulta ng mga pagsusuri na ginawa sa PIPAC.