Richard at KC, nag-unwind sa bar

Pinag-iisipan ni Alfred Vargas na magkaroon ng part 2 ang kanyang sexy cof­fee table book.

Marami raw kasi ang nagtatanong at hoping na magkaroon ng part 2 ang sexy coffee table book niya na sold-out noon.

Isa lang ang reaksyon ko sa sinabi ni Alfred sa akin: May ipapakita pa ba siya pagkatapos niyang magtalop sa kanyang sexy pictorial noon?

Oo ang sagot ni Alfred sa akin kaya ano pa ba ang pwede kong sabihin sa kanya kundi “Go ahead!”

Siyempre, hindi ko puwedeng i-reveal ang bagong concept na pinaplano ni Alfred para sa kanyang coffee table book dahil baka ma-pirate ng iba ang mga ideya niya!

* * *

How true na hindi pa tapos ang sexy coffee table book ni Katrina Halili dahil wala pa siyang publisher na nakukuha?

Ang akala ko, ang FHM ang maglalabas ng binabalak na project ni Katrina, hindi pala.

May nagsabi sa akin na walang kinalaman o involvement ang FHM sa sexy coffee table book ni Katrina. Kung true ang nabalitaan ko, baka matagalan pa ang paglabas sa mga bookstores at magazine stands ng kanyang dream project na huwag sanang manatili na dream.

* * *

Magkasama sina Richard Gutierrez at KC Concepcion sa isang bar sa The Fort noong Martes ng gabi.

Nag-unwind muna ang dalawa pagkatapos ng pictorial nila para sa isang glossy fan magazine.

Magkaibigan na sina Richard at KC. Lalo silang magiging close sa isa’t isa dahil sa pelikula na gagawin nila at kukunan sa Greece.

* * *

Invited ako sa birthday party ni Dr. Hayden Kho noong Martes pero hindi ako pumunta dahil may mga rason ako.

Una, birthday ko rin noong Martes. Pangalawa, hate ko na ang magpuyat. Pangatlo, malayo ang venue. Pang-apat, over acting ang trapik noong Martes dahil may mga kakilala ako na inabot ng dalawang oras ang biyahe mula sa Cubao papunta sa Megamall. Daig pa nila ang bumiyahe sa probinsya.

Nagkausap naman kami ni Hayden dahil tinawagan niya ako habang nasa isang restaurant ako para sa blow-out sa akin ni Ruby Cuyuito ng Forever Flawless.

Nagulat pa nga si Hayden nang malaman nito na magkasama na kami ni Ruby dahil ang alam niya eh surprise birthday lunch ‘yon para sa akin. Siya pa ang na-surprise nang sabihin ko na tumulong pa ako sa pagtatawag sa mga bisita.

* * *

Invited din ako sa presscon ng Lucida-DS para kay Gabby Concepcion pero hindi ko rin ito pinuntahan dahil conflict sa birthday ko. Talagang parang big deal ang birthday ko ha?

Nabalitaan ko na lang na dinagsa ng mga tao ang presscon ng Lucida. Hindi ako magugulat kung ginastusan ng milyon ang presscon dahil bonggang-bongga ang venue.

Knowing Gabby, nagulat ito sa rami ng mga bisita dahil noon lang niya uli naranasan na dumalo sa isang big presscon.