Libel laban kay Lolit binawi nina Piolo at Sam

Pormal nang binawi kahapon nina Piolo Pas­­cual at Sam Milby ang kasong libelo na isi­nampa nila laban sa showbiz columnist ng Pili­pino Star Ngayon (PSN) na si Ms. Lolit Solis.

Personal na nagtungo ang dalawang aktor sa Manila Regional Trial Court para ihain ang ka­­­­nilang nilagdaang affidavit of desistance.

Kasama rin sa binawi ang demanda ng mga aktor laban sa dating entertainment editor ng PSN na si Ms. Veronica Samio.

Sa nabanggit na kolum na Take It!  Take It! na lumabas sa PSN noong Oktubre 12, 2007,  sina­bi ni Lolit na nakita niya ang dalawang aktor na nagbu­­bulungan sa isang hotel.

Kaugnay nito, nagsampa sina Sam at Piolo ng tig-P5-milyong libel suit laban sa dalawa. – Doris Franche