Fans nadismaya, Marian totoong suplada

SEEN: Ang litrato ni Congressman Mikey Arroyo sa senate hearing. Nakunan ng litrato ang congressman habang hawak niya ang ilong. Nilagyan ng malisya ang litrato. “Nililinis” daw niya ang ilong. Walang masama sa ginagawa ni Mikey. Nagkataon lang na nakunan siya ng litrato.

SCENE: Lucky charm ng direktor na si Wenn Deramas ang struggling actor na si DJ Durano. Si DJ ang nasa opening scene ng Ikaw  Pa Rin, Bongga Ka Boy. Siya rin ang nasa closing scene ng pelikula. Si DJ ang signature actor ni Wenn. Kasama siya sa lahat ng projects ng direktor, mapa-TV man o pelikula.

SEEN: Cast ng Dyesebel sa Subic. Nadismaya  ang mga usisero kay Marian Rivera dahil hindi nila type ang pagtataas niya ng boses sa kanyang alalay. Totoo raw pala ang mga balita na supladita si Marian.

SCENE: Malabo ang KC-Gabby Concepcion movie team-up. May kinalaman ang naging relasyon noon ni John Lloyd kay Ciara Sotto. Hindi boto kay John Lloyd ang pamilya ni Ciara na anak ni Helen Gamboa at tiya ni KC. Kilala sa pagiging clannish ang mga Sotto at Gamboa. 

SEEN: Riza Santos at Will Devaughn sa premiere night ng Ikaw Pa Rin, Bongga Ka Boy. Madalas na magkasama ang dalawa. Si Will ang official escort ni Riza sa mga lakad nito. Parehong hindi hasa sa pagsasalita ng Tagalog sina Riza at Will. Hindi sila nagkakatulungan.

SCENE:  Ang sexy fashion show nina Geoff Eigenmann at Angel Locsin sa Lobo. Skimpy trunks ang suot ni Geoff at bra top ang pang-itaas ni Angel. Ginagawa nila ang lahat para ma-hook sa Lobo ang mga televiewers.                   

SEEN: Magaling na host ng Spoon si Janice de Belen. Masigla siya at hindi parang tinatamad. Ang Spoon ang solo cooking show ni Janice sa Net25. Mahusay siyang host ng Spoon kesa host ng SiS.