When Begins mikita, pero kuwang!

Bisan  og mapasigarbohon kaayo ang Star Cinema sa kalampusan sa ‘”When Love Begins’,” sa box-office maisip nga palpak diay gihapon kini kun itandi sa kalampusan nga natala sa ‘A Love Story’ ug ‘One More Chance’, nga nasulod isip Philippines’ highest grossing films in 2007. Base sa talaan sa Box Office Mojo, adtong May 4,  ang When Love Begins mihipos og gross revenue nga $960,492 or 40.8 million pesos sukad kini mibukas last April 30. Maisip hinuon kini nga malampuson gyud karong tuiga, kun itandi sa kita sa My Big Love ug SupahPapalicious, pero ang mga himantayon miingon nga palpak gihapon kini, ilabi na nga usa kini ka Aga Muhlach movie. Kahinumduman nga ang A Love Story ni Aga, mitala og opening weekend sales nga  $1,448,162 or 68 million pesos, samtang ang One More Chance, nga maoy naghimo nila ni Bea Alonzo ug John Lloyd Cruz nga Box Office King & Queen, mitala og $1,581,163 or 69 million pesos. Napanlantawan nga napakyas ang When Love Begins tungod usab sa kakusog sa  Iron Man, nga mitala na og $1,745,112 or 74 million pesos human lamang sa lima ka adlaw nga pagpasalida dinhi sa Pilipinas.

Box Office Mojo’ tally from April 30 to May 04, 2008:

1. Iron Man $1,745,112

2. When Love Begins... $960,492

3. Ploning $144,310

4. The Forbidden Kingdom $124,320

5. Hannah Montana/Miley Cyrus: Best of Both Worlds Concert Tour $33,857

6. Manay po 2: Overload $28,767

7. Shutter $13,733

8. Superhero Movie $10,646

9. Street Kings $6,280

10. Fool’s Gold $5,248

Anne ug Sam, pormalidad na lang ang kuwang

“Dating with a purpose” ang termino ni Anne Curtis sa relasyon nila karon ni Sam Milby. Bisan og wala pa niya sugta ang Fil-Am actor ug naa sa courtship stage pa gihapon sila, na feel ni Sam ang iyang chances busa wala siya dalidalia niini.  “Ang ganda ng process namin, dahan-dahan, taking it slowly and I’m really taking my time. At happy ako kasi sobrang bait ni Sam na willing siya talagang mag-wait,” nagkanayon si Anne dihang nahinabi   sa press last Tuesday sa solo presscon niya sa Viva office. Kahinumduman nga karon lang tuiga pormal nga nanguyab kang Anne si Sam. Last year nagpabatyag na si Sam kang Anne, pero nahunong kini tungod kay medyo dili pa makamao manguyab ang aktor adtong panahona, sanglit sa Amerika man kini nagdako.  Tsika ni Anne nga lahi ang ilang courtship tungod kay wala na siya mo-entertain pa og laing suitors.  Niya pa, ang nakanindot pa gyud sa ilang relasyon mao nga ang Ginoo maoy naa sa ilang sentro busa hapsay ang ilang proseso.   Aside from having a healthy love life, malipayon si Anne sa maayong dagan sa iyang career. Giisip nga blockbuster ang “When Love Begins” movie nila ni Aga Muhlach ug karon sugdan na pod niya ang “Dyosa” teleserye.

Sa Monday mobiya si Anne para sa iyang 10-day vacation sa Europe, regalo niya kini sa iyang kaugalingon for a job well done. Kini kay sunod sunod usab ang iyang trabaho, gikan sa “Maging Sino Ka Man” hangtud sa  “When Love Begins”. Kinahanglan niya nga mo-relax aron sa iyang pagbalik dirediretso na ang taping niya sa Dyosa diin makauban niya sila si Sam, Luis Manzano ug Zanjoe Marudo.

Adtong Martes mipirma si Anne og three year-three picture contract sa iyang mother studio—Viva Films.

Gabby Concepcion, alaot!

Sa pagbinayloay karon og mga haling nga pulong nila ni Jobert Sucaldito ug Rose Flaminiano, si Gabby Concepcion ang seguradong apektado, lakip na ang career niini. Kini maoy tonada sa mga mensahe nga nadawat sa beteranang kolumnista sa Pilipino Star Ngayon Manay Cristy Fermin. Imahe ni Gabby ang nagkabulingit, kini maoy opinion sa mga nabalaka ug nagpakabana.

“Magkakapamilya pa naman silang naturingan, pero bakit ganyan ang nangyayari, siraan sila nang siraan?  “Bakit binibira ni Jobert si Gabby, e, taga-ABS-CBN din naman siya? Sana, magkasundo-sundo na sila, si Gabby ang nasisira sa pag-aaway nila ni Mrs. Flaminiano!” Laing mensahe nagkanayon, “Hindi nakagaganda kay Gabby ang away nina Jobert at Mommy Rose. Maiisip mo tuloy, ito ba ang klase ng taong nagmamaniobra sa career ngayon ni Gabby, ito ba ang taong pinagkakatiwalaan niya ngayon, masyadong palaaway at walang word of honor?” Pwes, komento na lamang ni Manay Cristy, “Malawak ang merkado ng opinyon, kani-kanyang interpretasyon ang publiko sa mga nagaganap ngayon tungkol sa kanilang away, kaya habang maaga pa ay magkaroon na sana ng tulay sa kanilang pagitan para huwag masyadong maapektuhan si Gabby Concepcion.”

I.T.A.L.Y., labing hugyaw nga GMA Films movie

Tulo ka kontinente gyud diay ang gipahigayonan sa shooting nila ni Jolina Magdangal, Rufa Mae Quinto, Dennis Trillo, Eugene Domingo, Mark Herras ug Rhian Ramos para sa pelikulang I.T.A.L.Y. (I Trust And Love You).

Nagsugod ang shooting, sa Amsterdam, dayon sa Milan, diin ang cast and crew nag-eroplano paingon sa maong mga dapit. Human niini nag-shoot sila  sa Milan, Genoa ug mi-stopover sa Venice aron mag-shooting gihapon. Gikan didto, nag-train sila paingon sa Savona diin nagpaabot ang Italian luxury ship nga maoy ilang shootingan, ang Costa Magica.

Nag-cruise sila sa Naples ug Palermo, Italy, ngadto na sa Tunisia sa Africa, Palma de Mallorca ug Barcelona sa Spain, ug Marseilles, France. Katapusan nilang gihungan ang Rome. Ang ubang mga eksena sa Pilipinas na himoon. Dunay mga Italian actors usab nga nalakip sa cast sa  I.T.A.L.Y.   Samtang labihan nga nakadayeg ni Jolens sa ilang director nga si Mark Reyes kay niya pa napakita gyud ang mga maanindot nga talan-awon ug ubang mga suok-suok sa matag lugar nga ilang giadto. “Very realistic ang approach ni Direk Mark dahil ipinapakita niya pati yung mga suluk-sulok at eskinita ng mga locations namin. Kaya tuloy mapi-feel ng mga manonood yung totoong characteristic ng isang lugar at yung mood namin sa story,” nagkanayon si Jolina. Dungan niini, mapasalamaton kaayo si Jolens sa GMA Films tungod kay bisan pa man sa aberya, human sa kontrobersyal nga pag-back out ni Gabby Concepcion, nadayon gihapon ang maong project nga giisip nga labing hugyaw sa tanang mga pelikula nga nagama sa maong film outfit.